Nao het oetrope van Sem I es Jubeleijem Sjtadsjeugprins van D'n Uul mit zien adjudante Rutger en Christophe en ziene Prinselike Assistent Renske waerde aan Ziene Dórslöstige Hoogheid 't eerste eksemplaar aangebaoje van de Uulewapper 2014.
De Uulewapper sjteit vol mit ’t grote interview mit de Prins, mit puzels en móppe en mit verhaole euver fees viere! Want det doon veer dit jaor biej D’n Uul, ómdet D’n Uul 7x11 jaor besjteit. Netuurlik allemaol in ’t Remunjs! ’t Blaad is besjtump veur de jeug van Remunj óm dees jeug kinnes te laote make mit ’t laeze in ’t Remunjs euver de Remunjse vastelaoveskultuur.
Behalve det de Uulewapper oetgedeild waert op Remunjse sjole is deze ouch gans veur nieks te verkriege biej de verkouppunte van ‘t Zjwetskammezaol en biej alle aktiviteite van D'n Uul.