Vastelaoveskerkdeens
Tradisjonele Vastelaovesmés dit jaor in St. Christoffel Kathedraal
Nao good gebroek hilt Sjtadsvastelaovesvereiniging D’n Uul op 6 fibberwarie, häör tradisjonele ‘Vastelaovesmés’. Ein moment van bezinning om sjtil te sjtaon biej alle kenj van de ‘vastelaovesmedalie’. De mis waerdt neet meer, zoals de afgeloupe jaore in de H. Geestkerk gehaje, maar in de ‘mooderkirk’ van Remunj, de St. Chistoffel Kathedraal. ‘t Jaormotto van D’n Uul, “Lachenderwies” is leidraod voor de més. ‘t Motto kin op allerlei menere waere opgevat. De lach, verdreet en wiesheid zólle mekaar dan ouch aanvulle tiejens dees kerkdeens. Mirjam Jordens en Wim Campers zólle de més musikaal oploestere. Daonaeve zal ouch de Prinsenkapel van D’n Uul häör opwachting make tiejes de viering.
Veer neudige ederein oet om biej dees més aanwezig te zeen! Netuurlik zeen ouch de Sjtadsprins Allard I en de Sjtadsjeugdprins Jesse I van D’n Uul hiebiej aanwezig.
Deze Heilige Vastelaovesmés is dus op 6 fibberwarie in de St. Christoffel Kathedraal in de binnensjtad.
Aanvank 17.30 oer. De mis waert veurgegaon door Daeke Merkx.