11 - 11
Äöpening Vastelaovessezoen Remunj neet meer weg te dinke
Op goonsdaag 11 november geit ’t weer gebeure.
De Remunjse äöpening van ’t Vastelaovessezoen.
Väöl Limburgers trekke dan nao Mesjtreech, mér woróm ’t wiet zeuke esse ’t in dien eigeste sjtad kins viere.
Eers is t’r om 11.11 oer op ’t Munsterplein ’t tradisionele insjete met 11 kenonssjeut door de Sjtadsgarde. Daonao begint op ’t Kloosterwandjplein eine bienao zes oer doerend pergram.
Vanaaf 11.33 oer waerd ’t pebliek getrakteerd op eine bonjte aaneinsjakeling van artieste en meziekgezelsjappe.
Op de bühne sjtaon ongerangere PK D'n Uul, Hannen Alt, Domm en Dööl, Hans Leijendeckers, Big Benny, Duo Xelle, Erwin, W-Dree, Aan de Reem, La Bamba en Zónger Meer.
Dit ivvenement waerdt georganiseerd door de samenwirkende Remunjse Vastelaovesvereniginge en de prizzentasie is in hénj van Marc Breugelmans.
De echte Vastelaovesleefhöbber hoof gaaroet neet nao Mesjtreech te gaon, mér blief lékker geweun thoes in Remunj.
Ouch deze keer waerdt ’t unieke “Vastelaovessjpang” verkoch, veur Remunjse Vastelaovesvierders ein verzamelobjek, en geer sjteunt hiejmit dit ivvenement.
Veer zeen ós op ellef-ellef en de antree is wiej geweunlik gans veur nieks.