Middaag van de nuuje Jeugprins
Waem waert de nuuje Jeugdprins 2010?
Zondaag 10 jannewarie vanaaf 14.11 oer is ederein van herte welkom in De Oranjerie. Dao waert deze middaag bekint gemaak waem de opvolger waert van Prins Raf I.
De nuuje Uulesjlager “Sjtasiefestasie” van Jakob “Keub” Badmöts zal ten geheure waere gebrach en de PK, Kienjergarde, Jeuggarde en Damesgarde zeen ouch van de partie. Ouch zeen d’r veur de kinjer leuke sjpelkes.
Tiejens deze middaag zal ouch de Uulewapper, hét kienjerblaad van D’n Uul Remunj, waere geprizzenteerd én oetgedeild.