Kienjermiddaag: eerbetoon aan John Wiermans
De Póppedokter
Dit jaor bringk de Kienjermiddaag van D’n Uul ein eerbetoon aan John Wiermans, Póppedokter van Remunj en omsjtreke. ’t Hoof geine oetligk det ‘n eerbetoon aan John Wiermans, de jaomer genóg väöl te vreug euverleje oetbater van sjpeelgoodwinkel ‘De Poppendokter’ aan ’t Munsterplein, op zien plaats is. De winkel dae zelfs tiejes de vastelaovedaag aope is terwiel de vastelaovesmeziek euver ‘t Munsterplein sjalt, is same mit de Roerkade ’t dekor in de veursjtelling “’t Geheim van de Póppedokter”. John Wiermans waert neet ‘naogesjpeeld’, mer hae zelf en ziene winkel zólle veur ederein herkinbaar zeen. Ouch dit jaor is ’t verhaol gesjreve door Hans van Bergen en haet Hans Leijendeckers weer de meziek en de sjoon leedjes gesjreve. De sjieke danse en denskes waere dit jaor bedach en begeleid door Nicole op ’t Veld van Nicky’s Dance Studio. En ouch dit jaor doon d’r weer zo’n zestig kienjer van de Remunjse basissjole mit. Waem de veurgaonde twee jaor is kómme kieke, wèt det d’r d’r dit jaor weer biej mót zeen óm te genete van ’n sjitterende veursjtelling.
De veursjtellinge van de Kienjermiddaag zeen op zóndaag 12 fibberwarie óm 13.30 oer en óm 16.00 oer in de theaterzaal van de Oranjerie. Kaarte zeen te koup biej de receptie van de Oranjerie en via de website van de Oranjerie. De antree is zónger BTW verhoging en dus weer 6 euro volwassene betale 9 euro. Nao de veursjtelling kónt geer allemaol same klassjenere in de Salle de Fête.
Kaarte besjtelle
Volg de Kienjermiddaag in deze moderne tied ouch op Facebook, Hyves en Twitter (zeuk op Kienjermiddaag en Póppedokter).