Wo geit 't euver?
D’r waas ins ver weg örges op de waereld ein plek wo gein kleure besjtonge. Gein rood, gein gael, gein greun, gein blauw, helemaol nieks. 't Waas ein landj wo alle kleure verbaoje ware. Alles waas der griës, hertsjtikke griës: ‘t Landj van Griës. En de baas van det landj waas de Prins van Griës. Dae Prins haatte alle kleure en wilde die daorom allemaol laote verdwiene. Hae wilde det alles euveral griës waerde.Mer de hulpjes van de Prins, de Uulskuukes kwaame der agter det örges op de waereld d'r ein sjtedje waas wo ederein zich eine keer per jaor drie daag langk allemaol kleure op 't gezich deej en kleurrieke kleijer droog en meziek maakte en zong en lachde. De Prins van Griës waerde kwaod, heel kwaod. Hae wilde det ouch dao, in Remunj, alle kleure zolle verdwiene. En waat d'r toen gebeurde…. Det kint geer allemaol komme bekieke op 7 fibberwari in de Appelsienerie.