Uulefons
Sjtichting Uul€fons D'n Uul
Op 6 oktober 1994 waerde de Sjtichting Uulefons opgerich mit 't doel 't vorme van enig kappetaal veir 't organisere van ein fees ter gelaegenheid van 't 6 x 11 jaorig besjtaon van D'n Uul in 2003.
In jannewarie van 2003 waerde dan ouch door 't Besjtuur van de Sjtichting Uulefons ein cheque mit ein beheurlik bedraag euverhandigd aan de veurzitter van de Kemissie 6 x 11 van D'n Uul.
Nao 't fees van 6 x 11 waerde de aktievieteite van de Sjtichting Uulefons neet sjtilgelag mer waerde 't nuuj doel, de viering van 't 7 x 11 jaorig besjtaon van D'n uul in 2014
Waat duit de Sjtichting en wiej wirk det ?
De Sjtichting Uulefons wirk eigelik wie ein saort sjpaarkas. Jaorliks, maondjeliks, waekeliks of wanneer me wilt kint me geldj euvermake op ein bankraekeningnómmer van de Sjtichting. Waal mot de bedraag minimaal €66,- per jaor zeen.
In jannewarie van 't jaor 2014 waerd al 't gesjpaarde geldj trökgesjtort. Nao 11 jaor sjpare haet me dan toch ein leuke zakcent veur 't 7 x 11 juubeleijemfees. De rente euver 't tegood in al die jaore kump dan weer ten goede aan 't fees in 2014. netuurlik kint men tössedoor sjtoppe es me det wilt en dan waerd 't sjpaargeldj direk trökgesjtort.
Ouch kint me altied ein euverzich opvraoge van 't gesjpaarde saldo op enig moment.
De Sjtichting Uulefons sjteit in gesjreve biej de KvK onger nómmer 41068230. Mocht geer interesse höbbe of meer wille weite naem dan gerös ketak op.
Wilt geer mit doon ! Vul dan dit deilnameformeleer in.