Tc
Gooje daag, dit is de TC..
Diej dette waate det doon
diej doon det
want es diej det neet deeje
waar d´r geine dae det deej
daorom dachte diej
dette waat det doon
dan daon veer det maar geweun
want angers is-t'r touch geine
dette waate det duit.
TC Spreuk (c) 2002/2003 Hank Rietra
Werkaezel 2009
Jos Aben
Zilvere werkaezel 2008
Huub van Ool
Waem zeen veer !
In ’t Zjwetskammezaol van 1963 waerd veur ’t eers gesjpraoke of mit name genump de technische commissie oftewaal T.C.
Oeteraard waerde al versjillende wirkzaamheje oetgeveur, veurnamelik veur de bonjte aovende van D’n Uul in ’t Harmoniepaviljoen aan de Kepelderwaeg.Inkele roemruchte leje van ’t eerste oer ware o.a. Anton “Bibi” Bierbaum, Hans Cremers, Thei Mertens, Thei Kessels, Harrie Klein, Jack Schilder en Jan Streng. Ouch ware d’r haofsjilders wiej, Wijnand Thönissen en Dolf Wong.
Toch neet de minste name zols ze zegke. Oet dae tied besjteit ouch ’t affiche mit ‘t Sirkespaerdje van Dolf Wong waat toen door ‘t Bisdom verbaoje waerde om op te plekke.
Biej de nuuje sjtruktuur van D’n Uul in 1970 kreeg ouch de T.C sjtruktuur, ’t waerde ein echte kemmissie mit veurzitter en sikkertaris. De eerste veurzitter waas Baer Leurs zaliger en de eerste sikkertaris waas Jos Rulkens dae ’t jaor daonao al prins waerde en geine tied meer had. In ’t begin waerde euveral gesjilderd en getummerd, in de pepierfabriek, in de kazerne en in laegsjtaonde geboewe zonger verwerming. Name neume oet ’t begin van de nuuj T.C. is gevaorlik want veer zolle d’r zeker eine houp vergaete. Nao biej Jac Schilder aan de Venlosewaeg ’t domein te höbbe gehad bleef de TC maar zeuke nao ein gesjikde ruumte veur haor wirkzaamheje. Oeteindelik vonj men ein eige ruumte biej Cillekes Dreesens mer toen det grotendeils taege de vlakte mos waar ’t weer zeuke geblaoze.
Nao alweer get omzjwervinge haet de TC ein nuuj ongerkomme gevonje en waal biej Peter Brouwers biej Menheerkes. Op dit moment besjteit de T.C. oet 12 leje, woo-van nog mer 2 zogenaamde daagleje oftewaal de Daagploog! Dit zeen leje die euver 't algemein saoves neet wirke en euverdaag van allerlei karweitjes opknappe. Neet geheel oneerbiedig waerd dees Daagploog ouch waal "de Ballonneploog" geneump. Gein ploog in Remunj kin zo good ballonne blaoze en knuipe wie det zie kinne!
De TC guf häör mitwirking en inbring aan alle preduksies van D'n Uul, zo-as dao zeen Waer Wakker, de Kienjermiddaag, de Verkesaovend, de Ellefde van de Ellefde en num maar op. Ouch daonaeve zeen d'r genog anger organisaasies die waal ins ein beroep doon op de mitwirking van de TC van D'n Uul.
TC, nuuje sjtiel besjteit noe al meer as 3 x 11 jaor (boewjaor 1970) en det is veur dees kemissie en zien helwirkende men besjlis ein komplement waerd.