De Jeugprins

De Jeugprins

Vastelaovestied, is Dean tied!

 

En det is ’t zeker. Nao jaore van oefene mit de vastelaovend en wie Dean ’t zelf zaet “Eindelik geit ’t gebeure!”. Op ’t kienjerdaagverblief ’t treintje zoge ze al flot det Dean ‘n vastelaoveshert had en hae gaer es prins verkleijd waerde. Ouch es hae op joets ging mit zien elders dan droog hae det prinsepak. Sinds zie vader Marnix I Adams sjtadsprins is gewaes in 2017, is det geveul om prins te waere allein maar gegreujd. Dit is veur Dean dus ech ‘ne druim dae oet kump.

’t Nuje prinselik gezelsjap is bekind en wo angers es bie Braam treffe veer ós om dit stök te sjrieve. Boete det de vader van de Sjtadsjeugdprins de aad oetbater van café Braam is gewaes, is ’t ouch ‘n plek wo ze same de vastelaovend höbbe lere viere. Zo wie ze’t zelf vertelle kinne ze bie café Braam häör eige plan trekke. De elders sjtaon aan de gaam en zie in de kroeg, oppe beugelbaan of boete kuite mit vrunj.
Sjtadsjeugdprins, prins van d’n Uul, Dean I is gebaore in ’t Lerang op 2 augustus 2012. Veer kinne waal sjtelle det Dean is opgegreujd in ‘n echte uule femilie. Zien vader is Marnix I Adams, hae waas Sjtadsprins, prins van D’n Uul in 2017 en veurig jaor de adjudant van Sjtadsprins Spencer I. Opa, Karel Adams, waas adjudant bie Roel I (1979) en ziene euvergroot opa is Grootmeister van D’n Uul. De moder van Dean is Sylvia Lensvelt, de sjtille kracht op de achtergrondj. Dean haet nog ein zöster, die ouch ein verleje haet biej D’n Uul. Zoë is ein aantal jäörkes dansmarietje bie de jeuggarde gewaes.

Wils se meer van Dean I, of zien adjudante, te weite komme?
Kiek dan flot nao ’t vastelaoves vrunjebook in de Uulewapper.
Wilse  ouch  mit doon? print dan dien eige beukske oet   Vrunjebeukske .
Vul ‘t in lever ‘t in op ‘t Sjnapsnazebal en veer make d’r dan ein groot vrunjebook vanne.

Dean haet twee adjudante gekaoze en det zeen gooj vrunj van hem. ’t Biezonjere is det de adjudante waal eine goje bandj mit Dean höbbe maar zich veur deze vastelaovend nog neet kóste. Mees Wagemans, zoon van Maarten Wagemans en Saartje Zijlstra, en Dean kinne zich al vanaaf kleins aaf- aan en höbbe same haöre 1ste vastelaovend in de kienjerwage oppe kade gevierd. Ouch voetballe ze same biej SHH in JO12-1. En wie sjoon is ‘t det de gesjiedenis zich herhaolt, want de vader van Mees, Maarten Wagemans, waas adjudant bie Marnix.

De tweede adjudant is Ada Yarimbay, dochter van Tulay en Harun
Yarimbay. Dean en Ada zitte in dezelfde klas op de Steine Brök
en höbbe aan ein waord genog om zich te begriepe, of… de klas
op sjtelte te zitte. Ónger dit gesjprek zeen de twee jónges al aan ’t
sjtutere van de sjpanning en Ada, heel relax, haet alles ónger controle.

’t Gezelsjap is drök bezig mit de veurbereijinge maar kint neet wachte om oetgerope te waere. Dan kinne ze eindelik häör geheim aan Remunj vertelle. Ze weite good welke ivvenemente gaon kómme. Vraoge zo as: “ Wie zól ‘t Sjtasieplein vanaaf de bühn d’r oet zeen?” en “is ter waal genóg sjlók óm oet te goje mit de optoch?” gaon róndj in de köpkes van oos nuuj veurgengers.

Sjpeciaal is det Roland, de ome van Dean, de hoesorde haet óntworpe. Same mit ziene pap haet Dean d’r ein sjoon hoesorde van inein gefiespernuld.
Netuurlik is ‘ne uul in ’t óntwerp te zeen maar ouch Remunj en ’n verwiezing nao de sjpreuk van Dean I,