De veurzitter sjtelt zich veur
Waem is Hennie Maas?
Oze nuuje veurzitter is getrouwd mit Ursula, haet drie prachtige zone en woont in Remunj. Wiejer hockeyt hae biej de verteranen A van Concordia. In 't dageliks laeve is hae direksielid biej ein finansiejele deensverlener in Braobantj. Vastelaovend is veur hem 't heerlikke ongerboekgeveul desse kriegs esse op ein Uule ivvenement same mit dien vrunj ein pilske drinks en kins mitzinge op Vastelaovesleedjes. De nuuje veurzitter wil wiejer boewe op dees sjitterende en krachtige vereniging dae Rob Pollen es veurzitter mit haet helpe opboewe. Hae wilt väöl aandach besjteeje aan de jeug ( want die motte de vastelaoveskultuur blieve oetdrage), mér ouch aan meziek en ein sjitterend 7 x 11 juubeleijem. Wiejer mot D'n Uul ivvenementen beeje veur alle laeftiedsgroepe, en toonaangaevend blieve veur de Vastelaovend in Remunj. Maas wilt, nog meer es noe, gebroek make van moderne communicatiemiddele om de Vastelaovend oet te drage. Hennie duit det onger 't motto: " Oug veur 't nuuje, mit behald van de sjone,tradiesiejonele gebroeke binne ós sjitterende vereniging".
