Bedreuf höbbe veer kinnes genaome van 't sjterve van
Bep Bothmer-Schutte
Eredame van D’n Uul
Aad gasvrouw van ’t Uule-sjtamkefee “Kefee Nationaal”, Bep Bothmer is ós óntvalle. Al vanaaf de sevetiger jaore toet róndj dit millennium, vónje dao de vergaderinge van oos Dageliks Besjtuur plaats. Bep zorgde, same mit Henk, veur de hertelike óntvangs. Väöl Uule veulde zich door die werme sfeer jaorelank kiendj aan hoes. Boete det D’n Uul dao vergaderde, waar ’t ouch ’n echte hoeskamer en dao óntsjting ’t begrip “Uulenès”. Nieks waar te väöl gevraog mer Bep bekeek ein en anger ouch vanoet ‘de zakelike insjlaag’. Mit de vrunjtelike lach en de wil óm D’n Uul te dene waar d’r ’n bezónjer werm hert veur de PK, oos Prinsekepel. Zónger ‘PK-geheime’ pries te gaeve, haje zie bie Bep altied ’n sjtreepke veur. D’r zeen dan ouch mennig Prinse- en Vórstemarsje en angere meziek door de PK dao gebrach. De PK waerde good in de wat gelag veur dae sjone meziek. Bep is in 1986 veur al häör inzat en Uuleleefde beneump toet Eredame van D’n Uul.
Bep zal erg waere gemis! Veer winse Henk, Ger, Anne, Luc en femielie väöl sjterkte in deze meujelike tied.
De ganse Uulefemielie van
Sjtadsvastelaovesvereniging D’n Uul Remunj
