Sjat!
De kienjermusical van Sjtadsvastelaovesvereniging D’n Uul
De SJAT, det is wo veer dit jaor in de Kienjermusical nao op zeuk gaon!
Kapitein Sjtorm en sjtuurvrouw Kat höbbe óntdèk det häör geldjkies bienao laeg is….nog eine golje munt zit dr in! Dus d'r zit nieks angers op, ze mótte op waeg nao Sjateilandj! Allein geit in dit avontuur nieks zo wie 't heurt te gaon.
Sjtorm is neet bepaold 'ne sjtoere piraat, hae wilt lever leedjes zinge… of filmsjter waere…
En Kat is hem in alles de baas. Maar neet allein det…De pirate op 't sjeep zeen neet waat ze lieke en de gevaore die ze mótte euverwinne zorge veur heel get verrassinge!
Veer gaon same avonture belaeve, op waeg nao 'n denderende finale, die oos vastelaoveshert flotter zal laote kloppe !!!!!
Sjeep Ahoy!!!
Veursjtellinge:
Wo : Tejaterhotel De Oranjerie
Wanneer: 24 fibberwarie
Wie laat : om 13:00 en om 15:45 oer
Antree : € 11,31 inclusief pauzedrenkske, kaarte te koup biej de Oranjerie of via www.oranjerieprogramma.nl
