‘T grootste Vastelaovesivvenement van Limburg begint oppe sjtasie.
De toegank nao de Sjtasiefestasie vanoet de NS Sjtasie van Remunj is gans vernuujd. NS, Sjtichting Sjtasiefestasie en Sjtadsvastelaovesvereniging D’n Uul höbbe de samewirking gezóch om de belaeving van ‘t grootste Vastelaovesivvenement van Limburg al op de sjtasie te laote beginne. Donderdaag 20 fibberwarie waert det dudelik bie de opboew van ‘t ivvenement. Sjtadsprins Vito I, Sjtadsjeugprins Cas I en Vórs Dirk I van D’n Uul zólle de nuje louproute ónthulle.
Óm de samewirking te bezegeld, kriege Sjtadsprins Vito I, Sjtadsjeugprins Cas I en Vórs Dirk I van D’n Uul op vriedaag ‘t offesjele NS-vastelaovesembleem opgesjpeld door Sjtasiemennezjer Ben Schols. Eerder waerde de sjtasie al versierd in de kleure van Sjtadsvastelaovesvereniging D’n Uul.
