Waord van de Vórs
Vórsvrieje gedachtes 2019/2020
Geachde Uuleleje, Uulesjponzore en anger laezers van ’t Zjwetskammezaol 2020,
“Veer laote de kirk in 't midde” bedach aad Prins Ton I Spätjens veur ‘t jaormotto van Sjtadsvastelaovesvereniging D’n Uul in 2020!
'n Verwiezing nao ‘t 800-jäörig jubielee Munsterkirk, die midde in oos Uuleriek sjteit. De jaormedalie haet Ton same mit Marjo Peters vormgegaeve. ’t Thema waerde ouch gebroek tiedes de “Nach van de Nuuje Sjtadsprins”. Kómplement aan de ‘Kemissie Nach’ en de Technnische Kemissie, die same in de Oranjerie 'n prachtige entoeraasj verzorgde. Es hoog Kirkleijers waerde ’t Prinselik Gezelsjap nao veur gebrach op 'n ludieke wies ónger leijing van oze eige Erekanunnik, Daeke Rob Merkx. Óntdaon van häör kleijaasj sjtinge zie sjtraolend en sjpringend oppe buhne; Dórslöstige Hoogheid Sjtadsprins Vito I Campos, same mit zien drie adjudante: Ayrton Campos, Joep Wolfs en Ramon Neijnens. E greuts Prinselik Gezelsjap veur ‘t Vastelaovessezoen 2020!
