De Aadprinse zeen trots wie eine pauw mit ein feesnaas op zo’n sjoon juubeleijemprogram es aafgeloupe jannewarie op de buuhn van de Oranjerie geprizzenteerd waerde!
De poetsploog is nog altied konfetti aan ’t vaege! Waat ein dansgroepe: die Kölsche Harlequins, die Westerwaldsterne en oos eigeste AadPrinseDancers (Silly Girls). En waat te zegke van de moelemaekers oet Braobantj en Limburg! Waat ein Topprogram! En dan de meziek! De bekinde Kölsche Maedjes Die Funky Marys die mit de vastelaovend dageliks op WDR3 te zeen ware. “Supergeil” vonje zie het Remunjse publiek. En janke mit de grand-old lady van de Vinlose Vastelaovend Lottie Boermans op “Straks is ’t weer Aswoensdaag!” En vergaet neet de orkeste van de naozit in de Salle de Fetes: de Prinsekepel Big Band en ’t Orkesje mit häör Vinlose traditionals.
Kint ’t nog baeter? Jao. ’t Program van kommend jaor sjteit al vas, mit o.a. nuuj Braobantse Toptonpraters, Remunjse mitzingers van “vreuger”, de aller-allerbeste Tanzgarde oet Kölle (Weltmeisterlich), komische akrobaten én ein sjitterende finale mit ………(ein verrassing!)
Let op. De kaartverkoup sjtart op 12 mei 2020.
