Nao het oetrope van Sjors I es vieftigste Sjtadsjeugprins van D'n Uul mit zien adjudante Scay en Mick waerde aan Ziene Dórslöstige Hoogheid 't eerste eksemplaar aangebaoje van de Uulewapper 2016.
De Uulewapper sjteit vol mit ’t grote interview mit de Jeugprins, mit puzels en móppe en mit allerlei verhaole en verhäölkes. Netuurlik allemaol in ’t Remunjs! ’t Blaad is besjtump veur de jeug van Remunj óm dees jeug kinnes te laote make mit ’t laeze in ’t Remunjs euver de Remunjse vastelaoveskultuur.
Behalve det de Uulewapper oetgedeild waert op Remunjse sjole is deze ouch gans veur nieks te verkriege biej de verkouppunte van ‘t Zjwetskammezaol.
Enne... vergaet neet de WOW deal van de veursjtèlling van de Kienjermusical. Geer krieg der biej 'n graties lidmaatsjap veur 'n jaor van Sjtadsvastelaovesvereniging D'n Uul en graties de Uulewapper en 't Zjwetskammezaol. En det veur mer €9,00.
Kiek hiej: https://www.wowdeal.nl/roermond-weert/Keinjermusical-in-de-Oranjerie-op-31-januari-2016