Aovend van de Primäör

Tradisies kins se in sjtandj haje. Daoróm waert op de eerste dónderdaag nao de Nach van de Nuuje de nuuj oetgave van ’t liefblaad van D’n Uul oetgereik aan de nuje Prins van D’n Uul.

Op dae aovend krieg de Prins de Primäör, ’t eerste eksemplaar van ’t Zjwetskammezaol 2023. Geer kint dao bie zeen!

Nao twee jaor op rie ‘n live opgenaome tillevisie oetzending, wille veer uch noe weer gaer zeen in ein van de väöle sjoon kefees van de gemeinte Remunj.

Op dae aovend zólle der weer interviews zeen en zólle der artieste veur uch optraeje. Natuurlik ouch de Uulesjlager 2023 dae uch op de Nach van de Nuuje zal waere geprizzenteerd.

De Aovend van de Primäör is op dónderdaag 12 jannewarie 2023 en begint om 20.11 oer. Inloup vanaaf 19.30 oer mit meziek van Sjoerpapier. Deze keer zeen veer te gas bie aetkefee De Biecht aan ’t Julianaplein in Herte.