Remunjse Vastelaovessjlager Kómpetisie
Winnaar Remunjse Vastelaovessjlager Kómpetisie 2022-2023, Uulesjlager 2023
“Ich veul mich vereerd óm dit jaor de winnaar te zeen van de Remunjse Vastelaovessjlager Kómpetisie en ich zal Remunj zeer zeker gaon verwinne met de vastelaovend.”
Det zeen de wäörd van LimBo, de arties dae dit jaor mit zien leedje Kóm noe nao veure de nuje sjlager gewónne haet. Leer uch de teks oet de kop en zing de ganse vastelaovend mit mit LimBo!!
Kóm noe nao veure
Veer mótte danse, mótte sjpringe
Om ós zelf werm te haje
Want ouch mit döbbel glaas
Is de enerzjie neet te betale
Dus zeuk ich ‘ne leve
Die mich enerzjie kin gaeve
Det mit mich löp alle daag
Veurop in de polonais
Ze kinne van ós drinke
Ze kinne van ós aete
Maar ein dink moge ze neet vergaete
Vastelaovend is oos laeve
Refrein
Kóm noe nao veure
Drej mer in ‘t róndj
Maak dich lekker werm
En sjpring van de gróndj
Kóm noe nao veure
Drej mer in ‘t róndj
Mit dien henj oppe knieje
Dreij mer mit dien kóntj
Al sjteit de waereld in vuur en vlam
Krieg noe mer de rambam
‘t Is noe vastelaovend hie
Dus zit alle zörg mer opzie
Ich dans de soca de latino
Mer mit sjlager höb ich sjans
Dus zeuk ich ein dansmarieke
Det duit de kozakken dans
Kins doe mich verwerme
Mit dien gedans en dien gesjans
Al höbs se döbbel glaas van Koolen
Maak se hie geine kans
Dus bel mich neet veur glaas
En bel mich neet veur beer
Mer bel mich veur de wermte
Mien vastelaovesdeer