Gooje daag, dit is de TC..
Diej dette waate det doon
diej doon det
want es diej det neet deeje
waar d´r geine dae det deej
daorom dachte diej
dette waat det doon
dan daon veer det maar geweun
want angers is-t'r touch geine
dette waate det duit.
TC Spreuk (c) 2002/2003 Hank Rietra
Waem veer zeen...
In ’t Zjwetskammezaol van 1963 waerd veur ’t eers gesjpraoke, of mit name genump, de Technische Commissie oftewaal baeter bekint es de T.C.! Dit waar toen nog gein besjtaonde commissie, mer oeteraard waerde al versjillende wirkzaamheje oetgeveurd. Veurnamelik veur de bonjte aovende van D’n Uul in ’t Harmoniepaviljoen aan de Kepelderwaeg.
Biej de nuuje sjtruktuur van D’n Uul in 1970 kreeg ouch de T.C sjtruktuur, ’t waerde ein echte kemmissie mit veurzitter en sikkertaris. De eerste veurzitter waas Baer Leurs zaliger en de eerste sikkertaris waas Jos Rulkens dae ’t jaor daonao al prins waerde en geine tied meer had. In ’t begin waerde euveral gesjilderd en getummerd, in de pepierfabriek, in de kazerne en in laegsjtaonde geboewe zonger verwerming. Name neume oet ’t begin van de nuuj T.C. is gevaorlik want veer zolle d’r zeker eine houp vergaete!
Nao ein aantal jaore van omzjwervinge haet de TC sinds veurig jaor ein nuuj ongerkomme gevonje op de Sjlachthoessjtraot naeve ut sjpaor. Deze grote loods guf volop ruumtje om der weer aajerwits taege aan te kinne gaon. Nao un sjitterende inluiding van de nuuj wirkplaats zeen dao ut aafgeloupe jaor al weer diverse sjoone projecten nao boete gerold!
Op dit moment besjteit de T.C. oet 15 leje, unne sjoone mix van jong men en aaje garde! Die aaj garde is hel neudig om de opgeboewde kennis en tradisies euver te kinne drage aan die waat net pas komme kieke. Die jong luuj bringe weer nuuje elan in de club en zörge det ouch de T.C. anno tweejdoezendelluf nog altied veurop löp mit de nuujste technieke.
Zo kint de T.C. naeve ut traditionele sjilder en tummerwirk tiggeweurdig ouch goot oet de veut mit digitale producties, drukwirk en ut produceren van de get fienere sjilderkunsten. Dit höbbe die men al laote zeen op versjillende ivvenementen zo wie de nach, de Uuleaovend, de Verkesaovend, Lachenderwies, de Kienjermiddaag en nog tal van angere Uuleproducties.
TC, nuuje sjtiel besjteit noe al Sins boewjaor 1970 en det is veur dees kemissie en zien helwirkende men besjlis ein komplement waerd!
De golje wirkaezel waert zelde oetgereik mér es 't gebeurt dan is det ouch gans terech. Hank Rietra drager van de golje wirkaezel.
Hank hiej same oppe foto mit Stefa Tylicki zilvere wirkaezel 2012
Werkaezel 2011
Jeroen Driessen
Werkaezel 2009
Jos Aben
Zilvere werkaezel 2008
Huub van Ool