Remunjse Uulejach 2023

Is ‘t ’n vóssejach? Nae heur, veer gaon dit jaor op zeuk nao Uule!

Op zaoterdaag 4 fibberwarie begint op ‘t Munsterplein de tweede edisie van de Remunjse Uulejach, ein vóssejach mit ‘n vastelaovestintje! Tösse 13:30 oer en 15.30 oer zólle d’r in de binnesjtad van Remunj allerlei Uule te vinjezeen en ‘t is aan uch óm die te gaon vinje.

Doe kins mit ‘n gruupke kienjer mitdoon en ein sjtempelkaart kómme ophaole op ’t Munsterplein. Det kin bie de Kiosk of boete bie Ver’koch. Daonao geisse mit dien gruupke in de binnesjtad op zeuk nao de 11 Uule. Óngerwaeges is d’r van alles te belaeve en kumps se mesjiens zelf waal ‘ne talentejagertaege…

App dien vrunj en vrundinne en doot mit aan de tweedeUulejach. Alle kienjer zeen waalgekómme! Es se sjlum böskumps se verkleid en gesjmink, want d’r zeen sjoon prieze te winne. Doe kins netuurlijk ouch mitdoon mit dien klasgenote, dien sjportteam, de vastelaovesvereniging, dien scouting- of dansgroep of dien kleuternaefkes in de tweelingbuggy!  Es se alle sjtempels höbs verzameld, höbbe de Sjtadsjeugprins van Remunj en zien adjudante mesjiens waal ein hoesorde of ‘ne angere pries veur dich.