Uulejach

Oetneudiging veur de Uulejach

Leef kienjer van Remunj,

Is ‘t eine vossejach?  Nae heur, veer gaon dit jaor op zeuk nao Uule! 

Op zaoterdaag 19 fibbberwaribegint op ‘t Munsterplein de eerste Remunjse Uulejach, eine vossejach mit ein vastelaovestintje!

Tösse 14.00 oer en 16.00 oer zólle d’r in de binnesjtad van Remunj allerlei Uulete vinje zeen en ‘t is aan uch om die te gaon vinje.

Toet 15.00 oer kint men sjtarte. Kienjer kinne zich aanmelje bie ‘t kiosk op ‘t Munsterplein en bie Ver’Koch.

Doe kins mit ein grüpke kienjer mitdoon en ein stjempelkaart komme ophaole op ‘t Munsterplein. Daonao gaot geer in de binnesjtad op zeuk nao de 11 Uule. Ongerwaeges  is t’r van alles te belaeve en kumpse messjiens zelfs waal ein talentejager taege…

App dien vrunj en vriendinne en doot mit aan de allereerste Uulejach. Alle kienjer zeen welkom! Esse sjlum böst kumpse verkleid en gesjmienk, want d’r zeen sjoon prieze te winne. Doe kins netuurlik ouch mitdoon mit dien klasgenote, dien sjportteam, dien vastelaovesvereiniging, dien scouting- of dansgroep of mit dien kleuternaefkes in de tweelingbuggy!  Esse alle sjtempels höbs verzameld, höbbe Sjtadsjeugdprins van Remunj en jeugdprins van d’n Uul Joep III en zien adjudante Celeste en Arthur missjiens waal ein hoesorde of ein angere sjone pries veur dich.

Veer haope desse mitduis.

Toet zaoterdaag 19 fibberwarie