Ein good begin waas 't halve werk...........Vastelaovend Same.....
14-2-2010
En nog väöl meer foto's, mit dank aan oze Hoffotograaf Harrie Allers
Foto's Sjtasiefestasie zeen d'r weer
Foto's bezeuk aan de Carmelitessen
Vastelaoves Disko
9-2-2010
Mit de Vastelaovend is dr véur de jeugd van 11 toet 16 jaor weer de Uuledisko. Menig kiendj haet hie de eerste sjtappe in 't oetgaons laeve gezat. Dé oetkoms veur kienjer die al de ganse daag mit Pap en Mam op sjtap zeen gewaes en eindelik ins zelf, mit vrunj en vriendinne onger mekaar Vastelaovend willen vieren. De disko is op zóndaag 14 en maondaag 15 fibberwarie in ’t Agterhoes in de Veursjtad. De deuren gaon aope om 20 oer en 't doert toet 23 oer. Eljers/verzorgers motte de kienjer bringe en haole. Dr waert allein maar limmenaad gesjonke en de kesumpsies koste eine Euro. D’n uul zorg veur toezich door volwassene en de kienjer moge de disko neet zomaar verlaoten. Zo zeen veerder zeker van dét de kienjer neet gaon rondjzwerve. Dus op 14 en 15 fibberwarie vanaaf 20 oer in 't Agterhoes in de Veursjtad veur alle Uulekienjer. Antree is gratis. Allard I krieg Cheque van € 1111,11
9-2-2010
Zdh Allard I zal op de sjtasiefestasie 2010 mit get sjpesjaals komme. Waat detter geit gebeure waert nog geheim gehaje mér omdit meuglik te make haet advocatenketoor Hameleers, Van den Boomen & Stevens aan de Kapellerlaan, Allard I symbolies ein biedrage euverhenjigd. In de intieme bedriefsbar La Retraite kreeg hae oet henj van Ludo Hameleers, Marc van den Boomen en Gitte Stevens letterlik en figuurlik eine cheque aangebaoje. Het ludieke bedraag van 1111,11 euro zal volledig gebroek waere veur de biezunjere opkoms op de sjtasiefestasie zaoterdaag 13 fibberwarie.
