Sjtadsjeugprins Rik I

Rik d’n Eerste ( Hendrix ) Jeugprins van D’n Uul 2012

Det is de naam van oze nuuje Sjtadsjeugprins, dae dit sezoen same mit zien twee adjudante én bèste vrunj Dante Reijans en Mees Ypma de Remunjse jeug en Sjtadsvastelaovesvereniging D’n Uul moog veurgaon es Rik I.  In ’t sezoen det “Hiej is ’t te doon!” ’t motto van D’n Uul is, zal oze Jeugprins perseunlik d’r ins veur gaon zorge det Remunj ein bón(d)tje sjtad geit waere. Ederein mót zich kleije in rood,  gael of greun en bóntje pekskes en mötskes drage, en hae wil ouch gein zoer gezich meer zeen  de kómmende vastelaovesdaag.

Wiejer....>>>>

Foto's van deze middaag vindj geer hiej....>>>>

 

 

 

Zdh Marc I Sjtadsprins van D'n Uul

Marc I (Mooren), leefhöbber van PK’s
“Good gesjmeerd löp altied baeter”

De nuuje prins van D’n Uul is Marc Mooren, suuksesvol remunjs ongernaemer en sins drie jaor aktief lid van oos sjoon vereiniging, wovan ‘t leste in ‘t besjtuur. Hae regeert es Marc I, waat veer sjpeels vertale es “mark one”, want noojt eerder waar d’r eine uule-prins mit ziene naam.
Greujts es t’r is op zien oetverkezing, is ziene dorslöstige hoogheid Marc I vasbesjlaote om d’r mit adjudante en dames veur alle Uule ein sjoon fees van te make. En naem van os aan: hae regelt det veur uch, want ........................
es eine det trek, dan is hae det! Hae regeert onger de liefsjpreuk: Good gesjmeerd löp altied baeter.

Wiejer....>>>>

Foto's van de nach van de nuuje Prins....>>>>

Video van de nach van de nuuje Prins....>>>>

Waem waert de nuuje Jeugprins 2012

 Zondaag 15 januari vanaaf 14.11 oer is idderein van herte welkom in De Oranjerie. Dao waert deze middaag, dae in ’t thema van James Bond sjteit, bekint gemaak waem de opvolger waert van Prins Goof I. De nuuje Uulesjlager  zal ten geheure waere gebrach en de PK, Kinjergarde, Jeuggarde en Damesgarde zeen ouch van de partie. Ouch zeen d’r veur de kinjer leuke sjpelkes mit nog leukere prieze. Dao naeve is d’r eine verkleidwedsjtrijd. Het thema is zoals gezag James Bond en daegene dae zich ’t sjoonste in James Bond sjtiel verkleidt maak kans op eine sjitterende hoofpries!
Ouch benuujd waem dit jaor Sjtadsjeugprins van D’n Uul waert? Kom dan 15 jannewarie vanaaf 14.11 oer verkleidt in James Bond-sjtiel nao de Salle de Fête in de Oranjerie.
De antree is veur nieks!