Dean I Adams, Sjtadsjeugprins van Sjtadsvastelaovesvereniging D’n Uul Remunj.
Zóndaag 14 jannewarie 2024 is tiejes de ‘Middaag van de Nuje Sjtadsjeugprins’, Dean Adams es Sjtadsjeugprins van Remunj en Jeugprins van Sjtadsvastelaovesvereniging D’n Uul geprizzenteerd. Oeteraard in de Oranjerie, mér net es ein waek eerder is ouch Dean in de fonkelnuje theaterzaal, mit noe ein prachtige ambiance in ‘t thema ‘Superhelden’, onthuld. In de geis van dit thema gebroekte de 22-jäörige opkómmende ster-illusionist Nigel Otermans zien eige ‘Grand Illusion Show’ in om Dean mit zien adjudante, die onherkinbaar een hendje meeholpe, oppe bühne te bringe. Dean is in die show rondj 13:33 uur door Nigel en Vórs Dirk I onthuld. Wiejer waerde hae door Vórs Dirk I met alle biebeheurende regalia geïnsjtalleerd toet 57e Sjtadsjeugprins van Remunj en Jeugdprins van D’n Uul.
