Veer Viere Vastelaovend Digitaal
Hiej vindj geer de prizzentasie van 't Zjwetskammezaol Youtube-kenaal D'n Uul Remunj
De Digitale Primäör van ’t Zjwetskammezaol, liefblaad van Sjtadsvastelaovesvereniging D’n Uul
Eder jaor waert ’t Zjwetskammezaol, ’t liefblaad van D’n Uul, op de eerste dónderdaag nao de Nach van de Nuuje geprizzenteerd. In ’n kroeg in Remunj staon de luuj dan hutjemutje biej-ein en zeen getuge van de Aovend van de Primäör. Op ’t inj waert’t eerste eksemplaar oetgereik aan de Sjtadsprins van Remunj.
Dit jaor is ter geine Aovend van de Primäör, mer prizzenteert de riddaksie uch de Digitale Primäör.
In dit programma kint geer genete van:
• optraejes van Frits Criens en Sjtadsvastelaovesdichter Marc Latta
• interviews mit Jos Rulkens en Anneke Smeets die allebei ónger angere aktief zeen gewaes in de legendarische bóntje aovende van D’n Uul
• ’n gesjprek mit Ted van Etten euver de Prinselikke Stadts-Garde Faubourg St. Jacques
• kwisse mit Sabine Pereij: de Grote Uule-Corona-Kwis
• aan de tillefoon mit Lenie det same mit Soffie poets op ’t Sjtadhoes en dao vanalles heurt
• meziek van Henk Jan Bilman, Big Benny & Vleisboeket, Patrick Gerets, Resi Coumans en Patrick Roger
• kleine inkiekskes in diverse anger artikele van ’t Zjwetskammezaol
• en netuurlik ’t grote interview mit de Sjeemprinse van Remunj die ouch ’t eerste eksemplaar van ’t Zjwetskammezaol 2021 kriege oetgereik
Väöl kiek- en loesterplezeer, ónger ’t jaormotto van D’n Uul: Vastelaovend, mit aafsjtandj ‘t sjoonste!
En de rès kint geer laeze in ’t Zjwetskammezaol!
