Aan alles is hie gedach want doe wils gein menuut van dit sjpektakel misse. Dus es de Prinseresepsie lanksaam euvergeit in ’t Prinsebal, dan its doe lekker aeve get. ‘ne Luukse XL-hamburger, ’n good gevölde tas goulashsoep mit mik, ‘ne wrap mit hoon of mesjiens toch lever éín van de flammkuchen? Vijo Cuisine zorg veur get lekkers óm te aete zodet se mit ‘ne volle boek klaor bös veur ‘t Prinsebal. Ouch veur de kienjer is t’r keuze genóg óm nog get te aete nao ‘ne lange middaag feeste. En es se de sjpegeltent neet wils verlaote, dan is ‘t good óm te weite det ‘r ouch versjillende bórrelhepkes en bórrelplenk te verkriege zeen.