CMC Media zakelik partner Sjtadsvastelaovesvereniging D’n Uul

Goonsdaag 8 fibberwarie 2023

CMC Media, bekind van de radioreclame op Qmusic Limburg, biejeskoop- en sjnelwaegreclame, is éín van de nuje zakelike partners van D’n Uul. Vórs en Veurzitter Dirk Franssen: “Veer zeen erg blie mit dees nuuj samewirking. CMC Media sjtèlt ós in sjtaot óm nog breijer de ‘Vastelaovend’ nao de miense in Remunj en zelfs gans Limburg te bringe. En det is wo veer es vereniging veur sjtaon. Begin jannewarie waar D’n Uul al te heure mit ‘n interview euver oos nuje ivvenement ‘In de Sjpegeltent’ in de oetzenjing van Daniël Smulders op Qmusic. Ouch op ‘t grote LED-sjirm bie de aafsjlaag van ‘t Designer Outlet Center aan de N280 is D’n Uul volop in beeld”.

Tanja Clercx van CMC Media: “Veer drage de Vastelaovend ‘n werm hert toe en vinje ‘t dan ouch belangriek det veer D’n Uul op dees meneer kinne sjteune. Kómmuniekasie is oos dink en die expertise zitte veer gaer ouch op dees meneer in. ‘t Bereik van oze kómmuniekasiekenale is groot en dao haet D’n Uul, mer ouch oze angere opdrachgaevers baat bie”, aldus Tanja.

Kiek veur meer infermasie euver CMC Media en häör deenste op www.cmcmedia.nl