Golje Mondjlier
Bie ein jubeleijem heurt ouch de bezónjere oetreiking van de Golje Mondjlier. De Golje Mondjlier, ein bezónjer en hoog óngersjeijing van Sjtadsvastelaovesvereniging D’n Uul die sjlechs eine keer per 11 jaor waert oetgereik aan ’ne Limburger of ’n Limburgse dae/die de Limburgse taal en cultuur mit greutsigheid ouch boete de provincie leut zeen. Eine provinciegenoot dus dae zien aafkóms neet verloochent en de Limburgse tongval/sjtreektaal ein werm hert toedreug en zelfs permoot.
8×11 jubeleijem 2025
Frans Pollux
Ouch dit jubeleijemjaor is de Mondlier nao emes aafkómstig oet Limburg gegaon. Ein persoon dae oetdreug dao greuts op te zeen. Volges Sjtadsvastelaovesvereniging D’n Uul is nemes minder den Frans Pollux de ideale laureaat veur de Golje Mondjlier 2025 ter gelaegeheid van häör 8×11-jubeleijem! Tiedens de Jubeleijembrunch in de Sjpegeltent waas ’t moment det alle aanwezige Uule en Frans zelf verrast waerde mit dees bezónjer en hoog óngersjeijing!
Veurgengers
In ’t verleje zeen de volgende laureate, draegers van de Golje Mondjlier, de laureaat van 2025 veurgegange:
- 2014 – Huub Stapel. Acteur en zenger. Zien Limburgse wórtels ware dudelik zichbaar en heurbaar in de bioscoopfilm Hemel op Aarde en meerdere Limburgse leedjes, wo-ónger “Mooder Hellup” mit Gé Reinders.
- 2003 – Camiel Eurlings. Besjtuurder en polliticus, minister van Verkeer en Watersjtaot, Lid van IOC, es hae aan ’t waord kwaam of waerde geïnterviewd, waar dudelik te heure waat zien aafkóms waar.
- 1992 – Huub Mans Prizzentator Van Gewest tot Gewest en
tv-perseunlikheid.
- 1981 – Chriet Titulaer. Sjterrekundige en tv-perseunlikheid, zien zaachte g haet biegedrage aan zien herkinbaarheid.
