Uulejeug
Uulejongens
’t Is begós in 2018 mit ein beerviltje waat Vórs Dirk I in de henj geduujd kreeg. Dao sjting op; “Gaer wille veer ein Jeugraod van XI bie D’n Uul en veer zólle ’t sjoon vinje om dit idee wiejer mit uch vorm te gaeve”. Want es jóng kós se bie D’n Uul allein mér Jeugprins of adjudant waere. Maar de jónges wilde ech deil oet make van de Uulefemilie. Toen waerde al sjnel besjlaote det Jeug Raod van XI waal erg aajerwets is en is de naam Uulejónges gebaore.
Kienjergarde
De Kienjergarde is ein vas óngerdeil van ’t groot oettrekkend gezelsjap van D’n Uul, ónger angere bezeuke ziej resepsies van anger Jeugprinse in en boete Remunj mit de Sjtadsjeugprins van D’n Uul, wo ziej dan häöre dans kinne laote zeen. Netuurelik is de Kienjergarde ouch op väöl Uule-ivvenemente te zeen, wiej Kienjermiddaag, Sjtasiefestasiej en resepsie Sjtadsprins. De Kienjergarde besjteit maedjes in de laeftied tösse 6 en 11 jaor.
Jeuggarde
De Jeuggarde van D’n Uul is ein vas óngerdeil van ’t grote oettrèkkend gezelsjap. Euveral wo ze komme, kint de Jeuggarde häöre showdans laote zeen. ’t Eerste optraeje van dit sezoen is biej de Middaag van de nuje Sjtadsjeugprins, es óze Jeugprins waert oetgerope. De Jeuggarde besjteit oet maedjes in de laeftied van 11 t/m 15 jaor
GAJUS
“Veer zeen GAJUS en veer loupe door Remunj…” Zo is ‘t GAJUS de waereld in geknald, mit un sjtamp-plaat same mit Wiesse Oet Zuus. In 2024 ontsjtange oet de Uulejónges en tegewoordig neet mieër weg te dinke mit ’t GAJUSfees voor de jeug van 12 toet 17 jaor.
Kienjermusical
De Kienjermusical, al jaorelank ‘n begrip in gans Remunj en ómsjtreke. Zón 80 kienjer make same ‘n wirvelende meziektheater veursjtèlling mit toneel, zank en dans. ’ne Échte vastelaovesmusical mit al ’t jeugdige akteer- en danstalent van Sjtadsvastelaovesvereniging D’n Uul, gloodnuje leedjes en väöl Remunjse vastelaovesmeziek van vreuger en noe!
Resepsie Sjtadsjeugprins
De Jeugprins van Sjtadsvastelaovesvereniging D’n Uul en zien adjudante, neudige uch gaer oet veur oze resepsie op zóndaag 17 fibberwarie 2027. Geer zeet van herte wilkóm vanaaf 13:11 oer toet 17:11 oer in ‘t Witte Kirkske in Remunj.
Sjolefestasie
Vastelaovesvriedaag is de aaftrap van de Vastelaovend veur de jeug met de Sjolefestasie. Al jaor en daag dé vetste party veur de jeug van Remunj en omsjtreke. Elk jaor weer is d’r eine vette line-up en natuurlik: gratis antree!
Sjnapsnazebal
In de Remunjse vastelaovend van D’n Uul kin ’t Sjnapsnazebal vanzelfsjpraekend neet óntbraeke. Op vastelaoveszaoterdaag, -zóndaag en -maondaag van 15:00 toet 19:00 oer is ’t Witte Kirkske in de Veursjtad weer ’t decor van ’t gezelligste vastelaovesivvenement veur de kienjer en de jeug. D’r kint gekleurd en gesjoeld waere en veur de sjoons verkleide zeen d’r weer lekkere prieze te verdene.
