Nuje veurzitter
Nao zeve jaor mit volle inzat en toewiejing nump Dirk Franssen afsjied van zien funksie es veurzitter van Sjtadsvastelaovesvereniging D’n Uul. Hae dreug ‘t veurzittersjap mit volledig vertroewe euver aan aad-Sjtadsprins Joep I Seuren.
Joep reageert dankbaar en geëerd op zien beneuming:
“D’n Uul is meer es ein vastelaovesvereiniging. ‘T is ein cultureel ankerpuntj, eine sosjale verbinjer en ein laevend symbool van tradisies en identiteit.”
Blik oppe toekóms
In ‘t aafgeloupe jubelejemjaor haet D’n Uul meerdere interne brainstormsessies georganiseerd om te kómme toet ein heldere toekómsvisie veur de kómmende elf jaor. Dit haet geresulteerd in ein visiedocument det deent es sjtevig fundament veur de wiejere ontwikkeling van de vereiniging: toekómsgerich, vernujend en veural same. Hie mit kan de vereiniging wiejer veuroet de toekóms in richting 9×11 in 2036 en zo dreug Dirk met ‘t volste vertroewe de veurzittershamer euver aan Joep.
Joep kiek d’r nao oet óm same mit ‘t volledige besjtuur, de kémissies, leje en sjponsore mit dees visie aan de sjlaag te gaon. Zien ambiesie is óm de tradiesjonele krach van D’n Uul te verbinje mit vernujing en eigentiedse vorme van vastelaovesbelaeving.
Rol van Dirk Franssen
Oppe Algemeine Leje Vergadering is Dirk beneump toet Ere-Veurzitter, es dank veur zien jaorelange inzat. Wiewaal Dirk zien veurzittersrol neerligk, blief hae veurluipig betrókke bie D’n Uul. Hae blief aktief es Vórs van de vereiniging en zal hae Joep dao wo neudig óngersjteune mit zien kinnis en ervaring binne de vereiniging. Zo blief de opgeboewde expertise behaje en waerdt de continuïteit binne D’n Uul gewaarborg.
