Sjpónsorlunsj D’n Uul bie De Gelegenheid

Donderdaag waes de jaorlikse sjpónsorlunsj  van D’n Uul. Veer neudige dan per sjpónsorkattegorie ‘ne zakelik partner oet. De lunsj waes dit jaor bie De Gelegenheid ‘ne zakelik partner van D’n Uul.

Ónger deze lunsj is ‘t sjitterende kunswerk van kunstenaer Marco Jeurissen oetgereik aan de zakelike partners die d’r bie ware. ’t Kunswerk haet de titel ‘D’n Uuleboum’. ‘t Kunswerk waert aangebaoje aan de zakelike partners van D’n Uul es dank veur de sjteun aan de vereniging ’t aafgeloupe sezoen. De leje van ’t Algemein Besjtuur bezeuke de kómmende tied alle zakelike partners óm ’t kunswerk perseunlik te euverhenjige.

Zónger de sjteun van oze zakelike partners kinne veer neet doon wo D’n Uul veur sjteit; de Vastelaovend nao de miense bringe. Nogmaals dank aan oze zakelike partners en veer haope ouch dit sezoen weer op eur sjteun te kinne raekene.

Wilt geer weite waem alle zakelike partners van aafgeloupe jaor ware, kiek dan hie op www.dn-uul.nl/sjponsoren/. Wilt geer ouch zakelik partner waere, sjtuur dan aeve ’n berichje nao sponsor@dn-uul.nl en veer naeme kóntak mit uch op.