Greutse partner van ‘De Sjpegeltent’
Jaarmotto

Greutse partner van ‘De Sjpegeltent’

Dinsdaag 17 november 2026

De Sjpegeltent is trök In Remunj

Sjtadsvastelaovesvereniging D’n Uul is greutse partner van de organisasie van ‘De Sjpegeltent’. Veer zeen verheug det Sjtichting 41 x 11 ‘t prachtige ivvenement ‘De Sjpegeltent’ veurtzit. Veer óngersjteune de organisasie mit oze kinnes, netwerk en verbinjingskenale óm ‘t ivvenement toet ‘n groot succes te make. Daonaeve zeen veer mit de resepsie van de Sjtadsprins te gas in de Sjpegeltent.

 

Waat kint geer verwachte?

Verwach ‘n nostalgische sfeer mit plaats veur 700 bezeukers. Dus neet te groot mer zeker neet klein! De Sjpegeltent sjteit in ’t Park Akcros op kórte aafsjtandj van de Roerkade. ’t Waert ’n fees wo ederein van jónk toet aad wilkóm is. Ómdet ’t nog twee waeke toet de vastelaovend is, haet ‘De Sjpegeltent’ alvas get goje opwermers veur uch in petto.

De Remunjse PubKwis, De Vrunj van Remunj (dink aan De Vrienden van Amstel Live mer dan mit Limburgse artieste én de BartjeS-band), ‘n leedjeskónkours veur de basissjole van Remunj, ‘n galazitting veur dames én here en vanzelfsjpraekend ’t Prinsebal én de Prinseresepsie van de Sjtadsprins van Remunj, de Prins van D’n Uul. Veer höbbe veur ederein get.

En de opbrings van 4 daag fees geit nao ‘n good doel in Remunj!

 

’t Pergram:

  • Remunsje Pubkwis – dónderdaag 21 jannewarie vanaaf 19:00 oer
  • ’t Jeug Haet de Toekóms-Kónkours – vriedaag 22 jannewarie vanaaf 12:00 oer (gratis)
  • Vrunj van Remunj – Vriedaag 22 jannewarie vanaaf 19:30 oer
  • Resepsie van de Sjtadsprins van Remunj – zaoterdaag 23 jannewarie vanaaf 13:11 oer
  • Prinsebal – zaoterdaag 23 jannewarie vanaaf 20:00 oer
  • ’t Matinee – zóndaag 24 jannewarie vanaaf 11:30 oer

 

Vrunj van Remunj

Nao ’t daverende succes van de eerste edisie zeen Vrunj van Remunj trök. Deze sjpetterende vastelaovesaovend in de nostalgische sfeer van ‘De Sjpegeltent’ wilt geer neet misse! Geïnspireerd door ‘De Vrienden van Amstel LIVE’ zinge de beste Limburgse vastelaovesartieste, same mit de BartjeS-band, de grótste klassiekers. Dómpel uch ónger in ’t bèste waat de Limburgse vastelaovend te beje haet! ‘ne Aovend veur alle Vrunj van Remunj.

Kiek veur meer info en toekomstige kaartverkoup op de website van De Sjpegeltent>