1 x 11 jubeleijem Senaat

Inaugurasie van Wilbert Reijnen es Senator van D’n Uul en Louis Wolters es nuje Prizzedent.

In ’t jaor det de Senaat van de Sjtadsvastelaovesvereniging D’n Uul precies 1 x 11 jaor besjteit, is Wilbert Reijnen feeselik geïnsjtalleerd es nuuj senator. Dit gebeurde door Vórs Dirk I in het Royal Theater ónger de klanke van de Prinse Kepel. Te midden van ’n sjone én sjieke bieëin-kóms noom hae offesjeel zien plaats in ’t gezelsjap det al elf jaor lang de tradiesie, waardigheid en ’t vastelaovesplezeer bewaak.

Mit zien toetraejing kiek de Senaat mit vertrouwe nao de toekóms.

Dae middaag waerde ouch Louis Wolters offesjeel geïnsjtalleerd es nuje Prizzedent van De Senaat.
In zien eerste toesjpraok loog de naodrök op  ’t belang van saameheurigheid en tradisie van Vastelaovend binne D’n Uul.