Prins Sjoerd I

ritske oet de kienjermiddaag waert Jeugprins

Ich höb ‘t netuurlik euver Sjoerd I Somers, dae dit jaor Sjtadsjeugprins van D’n Uul is, mér de meiste miense kinne hem es Fritske oet de kienjermiddaag.
Oze jeugprins 2000, Sjoerd Franciscus Leonardus Somers, waerde gebaore op 29 april 1988 in Remunj en hae is de zoon van John & Nina Somers.
sjoerd haet ein breurke, Michiel, en ein zöster, Marlou. John waas adjudant van Prins Lex I Vervuurt in 1990 en Nina duit van alles en nog get bie en veur de kienjermiddaag.
Michiel sjpeelt ouch al inkele jaore mit in de Kienjermiddaag en Marlou zit bie de (ex-) jeuggarde.

Hiej is dus weer sjpraoke van ein echte Uule-femieliej, diej noe in Maerum wone. Sjoerd I haet twee Adjudante oetgezóch, te weite Ralph Bercx en Ferry Cox. Ze gaon mit z’n drieje nao de St. Hubertussjool in Herte, wo ziej in groep 8 zitte bie juffrouw Miet Janissen. Nao sjooltied haet Sjoerd heel väöl hobbies, wiej voetballe bie SHH in de D1, tennisse bie ACE, piano sjpele, vésse en póppekas en toneel sjpele. waat aete en meziek betruf is hae gans mekkelik, hae lös bienao alles behalve witlof en kees en de meiste meziek vintj hae ouch waal leuk.

Neet allein is hae de eerste Jeugprins van deze eeuw,mér ouch nog is haede eertse jeugprins dae, net wiej de grote prins van D’n Uul, ein rokkestuum dreug toet aan vastelaoveszaoterdaag.
Waat ein gelök dus det d’r noe jeugprins moog zeen, want vanaaf zien viefde jaor haet Sjoerd I d’r altied waal aan gedach en van gedruimp óm eine keer jeugprins van D’n Uul te waere.
Dae druim is veur Sjoerd dan noe oetgekómme en hae wilt d’r dus ein sjoon sezoen van gaon make en allein maar plezeer höbbe. Hae vintj ‘t sjoon óm bie zón grote, sjieke en good georganiseerde vereniging es D’n Uul Jeugprins te moge zeen en hae sjpits zich op ‘t drökke program, mit name ‘t bezeuk aan ‘t Witte kirkske mit de vastelaovend.
“t Hoogtepuntj aevel vintj Sjoerd I ‘t oetrope van de Jeugprins, in dit geval ‘t oetrope van zichzellef.

Wiej ich al sjreef haet Sjoerd I twee Adjudante oetgezóch. De eeste Adjudant is Ralph (Johannes Wilhelmina) Bercx en is gebaore op 8 fibberwarie 1988 en woont in Herte. De tweede Adjudant is Ferry (Martinus Henricus Gerardus) Cox en is gebaore op 8 meert 1988 en woont in Maerum.
Ze tennisse, net wie Sjoerd, bie ACE, haje ouch van de meiste meziek en löste ouch bienao alles behalve witlof.
Dit drietal haet dus neet allein väöl euvereinkomste, ze kinne zich ouch nog erg good en det is netuurlik henjig. De Adjudante weite waal al waat ze mótte doon, mér de take zeen nog neet verdeild. Ich bön d’r van euvertuug det
Sjoerd I,Ralph en Ferry d’r ein sjitterend sezoen van gaon make ónger häöre liefsjpreuk: ” ‘t Geveul womit ze bös gebaore geit noojt verlaore! ”

Ich wins Sjtadsjeugprins Sjoerd I zien Adjudante Ralph Bercx en Ferry Cox, zien eljers John & Nina, zien breurke Michiel en zien zöster Marlou eine geweldige vastelaovend en ein sjitterend Prinssjap toe….EN NOE IS ‘T TIED!

Erik Snoek