Zoeken
Op zóndaag 2 fibberwarie gaon veer same aan taofel veur ein gezellige en feestelike brunch, wobie veer mit de Uule femilie prooste op ‘t 8×11 Jubeleijem van Sjtadsvastelaovesvereniging D’n Uul. De taofels zeen gedek op ein lokasie die de grandeur van dit jubeleijem perfek weersjpegelt: de prachtige Sjpegeltent oppe Mért, veur ‘t Sjtadhoes, midde in ‘t hert van ós leef Remunj.
Let op: dit is ein eksklusief ivvenement allein veur geneudigde!
D’n Uul is d’r greuts op óm zó’n grote femilie te höbbe. In de Sjpegeltent kinne veer mit 300 leje van ós femilie aan taofel. ’t Is daorom neet meugelik eur partners mit te naeme. Dees oetneudiging is daorom op naam. Dit beteikent dèt veer missjiens miense teleur mótte sjtelle. Dus es geer uch höb aangemeld, kom dan ouch! Of meld uch oppe tied, af (veur 29 jannewarie). Missjiens dèt veer dan noch angere Uule bliej kinne make.