D’n Uul adopteert de Nar
Jaarmotto

D’n Uul adopteert de Nar

Zaoterdaag 21 november 2026

Sjtadsvastelaovesvereniging D’n Uul adopteert de Nar van ‘t beeldesjpel op ‘t Sjtadhoes van Remunj

D’n Uul kreeg d’r lóch van det nog neet alle beelde van ‘t gans sjiek gerestaureerde beeldesjpel geadopteerd ware. Wie sjoon zól ‘t zeen det D’n Uul de Nar van ‘t carillon in de Remunjse binnesjtad veur de kómmende 3×11 jaor zól adoptere? Netuurlik geit zo’n besjloet neet euver ein nach ies, want dao is sowieso Vórs veur neudig!

‘t Dageliks Besjtuur van Sjtadsvastelaovesvereniging D’n Uul haet unaniem en zónger enige kantjteikening besjlaote det ‘t eine grote eer is om de Nar te kinne adoptere! De Nar is onlosmakelijk verbónje mit de Vastelaovend en bezeen die relasie is ‘t bienao vanzelfsjpraekend det D’n Uul dit prachtige beeld omermt.

Op 19 november waas ‘t den zo wied, tiedes ein feestelikke onthulling is de truukplaatsing van de sjitterend gerestaureerde beelde ein feit. Mit väöl greutsigheid zólle veer de kómmende 3×11 jaor genete van dees sjoon beelde en in ‘t biezönjer de Nar.