D’n Uul sjuuf aktieviteite van begin jannewarie, door richting fibberwarie.

De Vastelaovend mit kreatieve invulling blieve oetdrage binne de geldende regelgaeving.

Sjtadsvastelaovesvereniging D’n Uul haet besjlaote óm de in de eerste waeke van 2022 geplende aktieviteite, door te sjufe richting fibberwarie. ‘T is gezeen de Vastelaovend-kelender van 2022 nog neet neudig om noe al aktieviteite definitief af te gelaste. Medio jannewari is d’r weer euverlik en besjloetvorming op basis van dan geldende veursjrifte en maotsjappelike inzichte euver Covid-19. Dit is door ‘t Algemein Besjtuur van D’n Uul besjlaote in ein (digitale) vergadering op zondaag 19 december jl. Dit beteikent det de ‘Nach van de nuje Sjtadsprins’, de ‘Middaag van de nuje Sjtadsjeugprins’ en de ‘Primäör van ’t Zjwetskammezaol’ doorgesjaove waere richting de eerste waekinj in fibberwarie. D’n Uul wil zo rech doon aan de vereinigingsdoelsjtelling om ‘t kultuurgood Vastelaovend toch zoväól es meugelik, oet te drage, volgens ‘t jaormotto 2022: “Vaerkrachtig veuroet!”.