Jaorraeje Veurzitter 2022

8 julie 2022

Alweer veur de 3e keer moog ich hie sjtaon óm es veurzitter van dees prachtige vereniging n jaorraeje oette sjpraeke. En waat waar ’t aafgeloupe verenigingsjaorn verrassend, hectisch mer óndanks alles n heelpózzetief verenigingsjaor. En of det fienansjeel ouch zo waar, det zeet en heurt geer later vanaovend. Aevel mót‘t neet altied óm de euro’s gaon mer veural ouch op de meneer wie D’n Uul de Vastelaovend haet gebrach. En det höbbe veer! Aafgeloupe verenigingsjaor ging D’n Uul helemaol te werk volges oos jaormotto 2022, Vaerkrachtig Veuroet! En det mit ouch n kórteverwiezing nao oos jaormotto van ein jaor eerder ómdet Vastelaovend mit aafsjtandj t sjoonste is! Det is en blief zo!

 

In verenigingsjaor 2021 waar alles angers. In verenigingsjaor 2022 waar neet alles angers mer toch op väöl vlakke gét angers. Inklusief ‘t jaor 1953 had D’n Uul in 2022 veur de 3e keer sins de 2e Waereldoorloggeine Sjtadsprins. Laot ich hie herhaole det volgens ’t bekinde sjpraekwaord 3 keer sjeepsrech is en det dit waat mich betruf derek ech de ste keer is det veer geine Sjtadsprins hadde! De novembermaondj waaoeteindelik toch weer angers. Nao goje haop in de zomerfekansie en mit väöl “aad normaal”, begós in de maonje september, oktober én november toch weer de twiefel toe te sjlaon en ginge veer oeteindelik weer tröknao ’t tiedelike abnormaal. Dit zorgde dr veur det D’n Uul op 6 november n erg suuksesvolle hernuujde Leedjesaovend (Remunjse VastelaovessjlagerKómpetisie) s laote plaatsvinje. Aevel n paar daag later waar ‘t de 11devande11de, toch gans angers en neet zo wie veer (en veural de Sjeng Kraft Kompenei) ós det hadde veurgesjtèld. De sfeer waar aevegood geweldig in de sjtad en det toonde aan det de Vastelaovend laef en ouch erg neudig is veur de maatsjepie. Ouch jaomer waar ’t det de Uule-Akademieneet kós doorgaon gezeen de ómsjtenjigheje.

 

Óndanks ‘t gemis van ne Sjtadsprins bleek n kórter sezoen mit minder aktievieteite, netuurlik jaomer, gein ónoplosbaar probleem. Vanoet alle Uule-kemissies waerde zo lang meugelik fleksibel nao meugelikheje gekeke. Neet allein veur ós zelf mer óm d’r veur alle Vastelaovensvierders alles aan te doon óm Vastelaovend te bringe. Veer zeen es vereniging toet ’t uterste gegaon en höbbe bewus neet (te) vreug de hanjddook in de rink gegoojd. D’r waerde in de maonje december, jannewarien fibberwarie duchtig doorgewirk in de lien van oos jaormotto. Mit väöl krejatievieteit bleve veer aktievieteite en inniesjatieve inein fiespernulle óm ’t Vastelaovesvuur te laote branje, op momente sjpesjaalgerich op kienjer en jeugdige. D’r waerde Uule-traddiesies van de ste decennia, beveurbeeld óm oos Prinse begin jannewarie oet te rope, doorgesjaove. Strategisch waerde sjpeling gekrejeerd óm aktievieteite angers te organiesere en besjloetmomente op te sjuve. Mer op insig moment mótte d’r besjlissinge waeregenaome. ’t Mót daobie waal kwallietatief get veursjtèlle waat D’n Uul duit mer ouch waat veer oos Prinse beje en kinne beje. ‘t Persjpektief veur n kwallietatieve invölling van Sjtadsprins waar neet meer meugelik. In 2023 krieg dae beougde Sjtadsprins mitzien beougde gezelsjap n nuje en haopelik volwaardige kans!

Ouch óntsjtinge d’r door al det gesjuuf en gewirk (mitneet altied ’t injpuntj bie ederein op t netvlies waat logisch is) intern waal ns get irrietasies. Dao zeen veer good en mit resjpek veur elkaar mit ómgegaon! Daorówil ich gaer op dees plaats ónger de ALV 2022 veur ‘t ónoetpöttelike werk en pózzetievisme waalgemeind grote dank oetsjpraeke. Dank oetsjpraeke aan alle aktieve leje en vriewilligers in alle kemissies en gezelsjappe en neet te vergaete de “aanverwante Sjtichtinge. Sjtichting Sjtasiefestasie en  Festiviteitesjtichting die ouch op väöle menere zeen blieve doorwirke en daoeuver later vanaovend meer. In‘t bezónjer en zónger angere te kórt te wille doon wil ich de kemissies róndjóm de ivvenemente van de Sjtadsjeugprins, de JPKBK, de Kienjermusical en de leiding van de gardes en Uulejónges neume die samekemissie-euversjteigend de henj inein sjloge. Ouch de kemissie PR&C en sjpónsorkemissie. Zeker ouch aan oos zakelike partners en sjpónsors, oos Algemein en Dageliks Besjtuur. Zónger häör allemaol SAME waadie fleksiebielieteit gaar neet meugelik gewaes. En daoróm op dees ALV ne dieke merci daoveur! Merci! En jao, dao moog veur geklap waere!

’t Hoogtepuntj van verenigingsjaor 2022 waar ’t oetrope van de Sjtadsjeugprins. Nao n gemis in 2021 in 2022 dus waal en det waar n waaleuverwaoge keuze óm op die meneer in de breite de Vastelaovend te kinne bringe en ós sjpesiefiek te focusse op kienjer en jeug. In n sjpektakulaire themasetting in Foroxity , gerich op de kienjer en jeugdige, haet D’n Uul op zóndaag 6 fibberwarie Joep III Opheij mit Arthur Schmitz en Celeste Maes oetgerope en Joep toet 55e Sjtadsjeugprins van Remunj en Jeugprins van D’n Uul geïnstalleerd. Mit n Jeugprinselik Gezelsjap vol Uuleblood haet D’n Uul laote zeen waat veer in oos mars höbbe. Hoogheid Joep III same mit adjudante Arthur en Celeste ginge veurop es sjtraolendmiddelpuntj en neet allein van de väöle kienjer aktief in de Uulefemielie wie de Kienjergarde, Jeuggarde, Uulejónges en bie de Kienjermusical. Nae, van de ganse vereniging. Sjtadsjeugprins Joep III haet es boegbeeld gefóngeerd veur de ganse Remunjse (Vastelaoves-) samelaeving.

D’r waerde behalve veur t oetrope van de Sjtadsjeugprins, alternatieve bedach veur gans väöanger aktievieteite. Daonaeve waerde d’r mit krejatievieteit ouch weer nuuj aktievieteite bedach. Óoze sikkertaris gans in häör eige krach te zitte gaon ich dao hie neet inhajelik wiejer op in want zónger det ich ‘t gezeen höb, weit ich det zie ‘n prachtig sjtökjaorversjlaag haet gemaak wo geer dalik van kint genete. En ich weit det zie det altied hééééél gaer mit uch deilt in ’t Remunjs. Ein dink sjteit veur mich veurop es ich trökkiek nao ’t aktieve Vastelaovessezoen 2022. D’n Uul haet in 2022 absoluut vaerkrach laote zeen!

Behalve mit ’t organiesere van aktievieteite in ’t aktieve Vastelaovessezoen bbe veer ’t verenigingsjaor 2022 benut óm wiejer te boewe op de ingesjlage waeg m.b.t.inkele verangeringe op beleidsmaotig vlak en m.b.t.veurbereijinge richting 8×11. Zo wie al gezag, dit lèste kump later vanaovend trök op de aggenda mer ich wil dr op dees plaats in mien jaorraeje gaer aeve op ingaogezeen ’t belang. Óngertösse is d’r ‘n nuuj besjtuur  van de Festiviteitesjtichting en oet det besjtuur waert door de veurzitter, sikkertaris en penningmeister same mit inkele angere Uule óngertössene KERNGROEP 8×11 geformeerd. De sjtatute van Festiviteitesjtichting zeen geaktualiseerd, haet de kerngroep duchtig gebrainstormd, mit ‘t DB same gezaete en daonao mit ’t AB óm n kader te formulere. En zo wie veurige ALV aangegaeve en mit uch afgesjpraoke sjteit ’r vanaovend n sjpesiefiek puntj veur op de aggenda.

Naeve dit, is ouch al ‘ne sjtart gemaak mit ’t opsjtèlle van n kader veur ‘t 8×11 jubeleijembook. Mitn knipoug zèk ich det, ómdet dao allemaol erg krejatievekunstenaers in dae riddaksiekerngroep zitte en kwaam dees ALV net get te vreug óm uch dao vanaovend get euver te kinne vertèlle.

 

Trök nao det werk in ’t verenigingsjaor 2022 óm wiejerte boewe op de ingesjlage waeg m.b.t. inkeleverangeringe op beleidsmatig vlak. De sjtart van de brainstormgroep in 2020-2021 kreeg vervolg óm veur belangrieke thema’s binne de vereniging te kieke nao de toekóms óm kanse en oetdaginge aanein te koppele. De sjpónsorkemissie o.l.v. Ruud Beurskens ging hiemit aan de sjlaag binne häör kemissie en ouch de kemissie PR&C o.l.v. Hein Jambroers pakde de hanjdsjoon op. Twaers euveral doorhaer mit iedeje en sóms get kwatsj mer waal mit gooj intensies veur D’n Uul, vloog Crit I Lambriex vanoet lejebeleid.

 

Zónne aanpak vreug ouch gerichte investeringe want mit sjlumme investeringe kinne veer D’n Uul nog baeterop de kaart zitten en dao revenues van plökke. Investerein leje/lejebeleid/sjpónsorbeleid en ouch PR-en marketingbeleid óm alles good euver t vootleech te bringe. Sjpesiefiek beneum ich de investering in n nuuj website. Gans up to date kwa techniek en meugelikheje, mit ‘ne inlog veur leje en n webshop. De lejelogin óm leje sjpesjale veurdeile te kinne gaeve enmit de webshop die noe technisch klaor is, waertkómmend sezoen inhajelik aan de sjlaag gegange óngerleijing van Arnold Hendrix. Ich dank de geneumde luujen tegeliekertied daag ich häör én de betrokke kemissiesen kemissieleje op pózzetieve meneer oet óm de volgende sjtap te zitte. In de ste AB-vergadering höbbe veer hie al get kóntoere van moge zeen. Chapeau!

 

De inzat van dit alles is óm, naeve nao ozebeleidoetgangspuntje te kieke, ouch oze fienansjelebasis (dae erg good is) te versjterke en t fóndement te verbreije. Dit werp óngertösse zien eerste vruchte aaf en det in ‘ne lastige tied. Det zólt geer sjtrakkes zeen bie de prizzentasies van de penningmeister. Juus óm de basis van derekte inkómste te verbreije en zo nóg minder aafhankelik te waere van sjpesiefieke ivvenemente merouch óm zo sóms bewusde risicos te kinne naeme ómnuje inniesjatieve te óntploje die ós es vereniging dan weer nog meer op de kaart zitte. Zo perbere veer ’n vleegwiel effek te krejere ómdet dit dan weer meer leje en zakelike partners oplevert die zich gaer mit D’n Uul wille affiesjere. Ich sjpraek de haop oet det nao 3  jaornoe ’t moment gekómme is, wo eindelik ‘t nuuj meerdaags event ‘In de Sjpegeltent ech van sjtart kin gaon. De gooj diskussies euver inhald, organiesasie en fienansieje höbbe binne de kemissie, de Festiviteitesjtichting, DB en AB plaatsgevónje en kriegin de AB-vergadering van 20-6 zien finale besjloetvórming. Laot ós de kans griepe en ouch hieVaerkrachtig Veuroet gaon.

 

‘n ste thema det ich in dees jaorraeje wil aansjtippe is n herhaoling van veurig jaor. Oos kwetsbaarheid in kwantietatieve (en sóms kwallietatieve) zin op sómmege peziesies binne de vereniging, vreug naodrökkelik ómherhaolde aandach. Binne ’t AB is dit ‘n puntj waat al aan bod is gekómme mer ouch beneump zal blieve waere. Gelökkig is dr nog altied väöl insjtroum van nuuj miense (döks ouch ngere kwa laeftied) die zich veur de vereniging wille inzitte en die zich dan ouch greuts ne Uul kinne neume. ’t Help ouch det ’t leje-aantal en ’t aantal zakelike partners en sjpónsors nog altied sjteigend blief. Dan is d’r ouch voedingsbaom. Aevel zeen ich ouch det t binne kemissies en/of op indievieduele funksies sóms passe en maete is bie Uule die al väöl veur de vereniging doon. Daonaeve is ’t zeker mit de veuroetblik richting 8×11 good óm ‘ne nog breijere basis van Uule te höbbe die zich veur de vereniging in wille zitte. Daoróm wil ich gaer op dees plaats ne rechsjtreekse oproop doon aan alle kemissieveurzitters, ’t ganse AB mer ouch aan uch allemaol; kiek wo veer gesjikte aanvöllinge kinne kriege. Miense die zich aktief wille inzitte veur Dn Uul.

Maak det n vas aggendapuntj binne eur kemissie en sjloet op det vlak zake rt mit de porteföljehajer DB. Nao alle leje zèk ich; Sjpraek t róndj en kiek róndjwant ’t is harsjtikke sjiek óm dich ne Uul te moge en kinne neume.

 

Veer (en dan kiek ich sjpesiefiek nao de 2 sikkertarisseen michzelf) zólle oos bès doon óm ’t versjlaag van dees ALV z.s.m. te versjikke (en dus neet meer zo wie gebroekelik pas bie ’t versjikke van de sjtökker van de volgende ALV). Det doon veer mit ne nette mail en daobie doon veer dan ouch n aktueel euverzich van oze vakketurelies bievoge zodet alle leje zeen wieväöl sjoon dinger d’r nog te doon zeen binne D’n Uul.

 

Laot ós de basis en ’t fóndement versjterke. Baeter meer aktieve leje binne de vereniging die n paar dinger doon veur en binne D’n Uul die ze zelf sjoon vinje. Zo kinne veer nog meer take verdeile óm ’t väöle Uule-verenigingswerk in gooj bane te blieve leide. Geachde leje, ouch es veer op ’t inj van dees ALV ‘n nuuj jaormotto veur 2023 höbbe, haope det ’t tiedelike abnormaal diffenietief gans achter ós lik en ós vrie veule ómne sjone Vastelaovend 2023 te gaon veurbereijde, dan geljt veur D’n Uul aevegood nog altied det Vastelaovend, mit aafsjtandj t sjoonste is en det veer waat mich betruf altied  Vaerkrachtig Veuroet blievegaon! Dank veur eur aandach!