Kunswerkske zakelik partners D’n Uul
Goonsdaag 14 juni 2022
Kunswerkske zakelik partners D’n Uul geprizzenteerd ónger de ALV.
De Algemeine Lejevergadering van Sjtadsvastelaovesvereniging D’n Uul waar ‘t decor veur de ónthulling van ‘t kunswerk det de zakelik partners van D’n Uul óntvange es dank veur häör sjteun ‘t aafgeloupe sezoen.Aad Sjtadsprins Spencer I en Vórs en Veurzitter Dirk Franssenóntvinge de eerste eksemplare oet henj van de kunstenares Anneke Kosters.
Anneke haet zich bie ’t make van ‘t ekspressieve kunswerk laoteinsjpirere door häör geveul bie de Vastelaovend. “Ich wil mich altied vrie mer toch verbónje veule. Daoróm de titel van ’t kunswerkske; “Veul dich vrie mer toch verbónje”. Dees halding is ‘n eksplosie van bliedsjap, zo zuus se mich mit Vastelaovend dökssjtaon, bliedsjap, kleur en samezeen. Väöle van uch zólle dit herkinne. ‘t Gemeintehoes mit karreljóng sjteit netuurlik veur de sjtad Remunj en Sjtadsvastelaovesvereniging D’n Uul. D’n Uul ómermp, verbinjt en verheug de feesvreug bie de Vastelaovesvierders.”
Veer zeen óntzittend greuts op ’t prachtige kunswerk det Anneke Kosters veur ós gemaak haet, ‘ne dieke merci! De zakelik partners kinne vanaaf juli bezeuk van häöre kóntakpersoon bie D’n Uul verwachte en óntvange dan ouch dit sjone werk.
