Kuul 2025/2026
Nao de successe van de eerste twee edisies van ‘KUUL, ’t Katers-UulLeedjessjpektakel’, kump d’r netuurlik dit jaor ein vervolg. Dit zal op zondaag 26 oktober 2025 plaats vinje in Café zaal De Ster in Neel. De Katers Neel en D’n Uul Remunj äöpene noe de offesjele insjrieving en haope det ouch dit jaor weer väöl deilnaemers gaon strieje óm de eretitel: VASTELAOVESSJLAGER VAN GROOT REMUNJ Bie deze eretitel häöre netuurlik ouch weer optraejes op de 11e van de 11e, de Sjtasiefestasie, Vastelaoves Villaasj in Neel, en ouch nog ins eine geldjpries van € 555,55!! Deilnaemers waere verzóch veur 1 oktober 2025 via de mailadressen info@dekaters.nl of info@dn-uul.nl in te sjrieve. In ‘t biegevoegde reglement kinse meer laeze euver de veurwaarde en versjillende categorieën. Alle inzendinge waerde waal in ‘t dialect verwach. Gaer bie insjrieving de volgende punte vermelde:
• Titel van het nómmer
• Name van de oetveurende artieste
• Ketakpersoon inclusief tillefoonnómmer en e-mailadres.
Nao aanleiding van óze veuraankondiging zeen veer ein groot entoesjasme. Det is top!
Veer zeen gaer eur insjrieving taegemoet.
Mit vastelaoves groete namens ‘t besjtuur van D’n Uul en VV De Katers
