Lachenderwies 2023

Leef Uule,

Óndanks det de Oranjerie gesjlaote is vanwaege renovasie, geit Lachenderwies 2023 geweun door!

De Aadprinse verhoeze veur ein jaor nao ‘Congrescentrum Het Forum’ aan de Elmpterwaeg in ‘t Katerriek! Op dónderdaag 19, vriedaag 20 en zaoterdaag 21 jannewarie 2023 sjleit ‘t Lachenderwies- sjpektakel häör tente op in Neel naeve Dennenmarken. Dao is ‘ne grote zaal mit balkoen en ‘n riejale bühne óm oos artieste te laote sjittere.

Waem kint geer verwachte?
Netuurlik buutreedners/tónpraoters. Mit drie nuuj sjterre oet ‘t Braobantse landj: Jasper van Gerwen, Freddy v.d. Elzen en Boy Jansen. En vanzelfsjpraekend oze vaste gas Berry Knapen!
Oet Kölle kómme de Greesberger die eindelik nao de corona-epidemie veur uch kinne kómme danse. Weltmeisterlich!
Meziek kump van de Mainstreet Blues mit Limburgse Vastelaovessjlagers, de Silly Girls kómme häör bèste én sjoonste bein veurzitte en op de bühne sjpeelt en zink de Boesten Band.
Kaarte kint geer -net wie vreuger- besjtèlle vanaaf 01-10 via de site van de Oranjerie.

Lèt op!
Geer kint gein plaats rizzervere. D’r is dees edisie in Het Forum vrieje plaatskeuze, dus zorg det geer op tied zeet. ‘t Kefee is al óm 18:00 oer aope.
‘t Is ten sjtrengste verbaoje óm ‘ne hanjdook op de sjtool te ligke!