Open Monumenten Dag. Ein sjpesjale expositie!
Open Monumenten Dag. ‘t Uule-vastelaovesmuseum op de Hamsjtraot nr. 19 is mit de ‘Open Monumenten Dag’ (OMD) geäöpend.
Äöpeningstieje: Zaoterdaag 12 en zondaag 13 september van 10.30 tot 15.00 oer.
Tentoonstelling sjpesjaal veur de OMD en ’t opboewe van de de oetsjtalling op waeg nao ’t nuuje vastelaovessezoen 2026 – 2027.
OMD, ein sjpesjale expositie:
De gesjiedenis van ‘t ’Munsterkwartier’ en ómgaeving mit de Hamsjtraot en de rol van dees sjtraot in de vastelaovend.
Aaj kaarten en foto’s en ‘n PowerPoint prizzzentasiej laote zeen welke belangrieke rol de ómgaeving van ’t museum n de gesjiedenis van Remunj haet gesjpeeld.
Munsterabdij, kezerne op de Hamsjtraot en de sjiekste winkelsjtraot van Remunj.
Dé Vastelaovessjtraot:
De Hamstraot sjpeelde in de 20ste eeuw ’n grote rol ‘t Remunjse vastelaovessjpeel:
Kefee Union wo op de 11-11-1936 D’n Uul waerde opgerich. ‘t Uulenest ‘Nationaal’ en de legendarische Hermeniezaal wo bals en bóntje aovende waerde georganiseerd.
D’r is väöl te zeen en te vértèlle euver dees sjtraot en de Remunjse (vastelaoves-) cultuur.
‘t Uule-vastelaovesmuseum in 2026-2027 ’n nuuj thema:
’t óntsjtaon van de Remunjse vastelaovend van + 1880 tot 1950. Det is de ‘wirktitel’ veurde nuuje oetsjtalling in 2026-2027.
‘nne Tiedlien mit foto’s en documente leut ’t begin van de vastelaovend in Remunj zeen en wiej d’r noe is gewaore. Aaj foto’s en documenten van de beginjaore van de vastelaovend te zeen vija oos veurgengers, de erfvaders van D’n Uul, de Flarussen en de Schmookers.
Te bewónjere zeen inkele unieke objecte oet die periode die väöl Remunjse vastelaovesvierders nog neet eerder höbbe gezeen.
Momenten en monumenten oet de Remunjse vastelaovend:
Sjtadsvastelaovesvereniging D’n Uul mit zien väöle ‘gezichter’.
Aevel is d’r ouch ruumte veur momente en monumente oet de Groot-Remunjse vastelaovend. Aan de handj van 14 vastelaovesmonumente zeen de SRV-verenigingen ouch te zeen in oos museum.
’n Deil van de exposiesiej in nog in ‘ombouw’ op waeg nao ’t nuuje vastelaovessezoen 2027 det vanaaf de 11de van de 11de november 2026 geit beginne.
Bekieke van ’t museum eventueel mit ’n kórte vastelaoveswanjeling?
Aafsjpraeke en/of meer weijte:(ere-) Archivaris van D’n Uul Louis Wolters 06 18943483
Sikkertariaat van D’n Uul secretaris@dn-uul.nl
