Aovend van de Primäör

Veur alweer ’t achteende jaor op rie waert ’t nuje Zjwetskammezaol in sjtiel geprizzenteerd en aangebaoje aan de Sjtadsprins van Remunj op de Aovend van de Primäör!

Vanaaf 19:30 oer kint geer binneloupe, wonao óm 19:41 oer – elf menute euver half ach – ’n goodgevuld pergram van sjtart zal gaon mit de neudige sjaele zeiver en get gepaerskeutel hie en dao. En tössedoor ouch get serjeuzere kal.

Veur de meziek waert ouch gezorg: de winnaars van KUUL 2026, kómme spesjaal veur ós en uch häör leedje zinge!

Tradisiegetroew zal ouch de Zjwetsbaeker weer waere oetgereik veur de meis ludieke advertentie die dit jaor in ’t Zjwetskammezaol sjteit.