Sjteine Uul

D’n Uul dai reup: ‘ Oehoe! Ig bön weer wakker noe!’.
D’n Uul dai reup: ‘ Oehoe! ‘ en ‘t klink langs alle sjtraote:
‘Ig bön weer wakker noe! Oehoe! Oehoe!’

Noe is d’n tied gekomme van lol en van plezeer.
D’n Uul dai is weer wakker, g’r heurt zien sjtum noe weer.
Hai reup: ‘Remunjse miense, sjlaot noe de henj inein.
En wirk in alles same, d’n Uul reup ug bie-ein’.

Laot alle zoer gezigter noe op de zölder sjtaon.
Die kinne veer noe misse, laot tie maar wiejer gaon!
Komp, lach, en laot weer laive de ech Remunsje lol,
en brengk mit Vastelaovend eur sjtedje weer ins vol.

D’n Uul dai geit regeere, d’n tied is waal neet lank.
Hai vreug ug gei salaris, hai wilt oug geinen dank!
Alleen vreug hai: ‘Leef miense! Viert alles juus en good.
En sjlaot dees daag in ein, twee, drie, d’n hele crisis dood!’