Suuksesvolle tweede ediesie nètwerkbiejeinkóms D’n Uul

Dónderdaag 29 september waar de tweede ediesie van de nètwerkbiejeinkóms van Sjtadsvastelaovesvereniging D’n Uul Remunj bie Kesjteelke Hattem. Naeve de zakelike partners van D’n Uul ware ouch de Sjeng Kraft Kompenei (organisasievan de11vande11de) en häör zakelike partners oetgeneudeg. De opkóms waar good en ‘t waar ‘ne gezellige en vruchbareaovend mit volop gelaegeheid óm elkaar te lere kinne ónger ‘t genot van ‘n hepke en ‘n drenkske.

Veur het inhaldelike deil van de aovend ginge Luc Overhof(Veurzitter Sjeng Kraft Kompenei) en Dirk Franssen (Veurzitter en Vórs van Sjtadsvastelaovesvereniging D’n Uul) mit elkaar in gesjprek. De twee here sjproke aan ‘n gedèkdetaofel (knipoug nao ‘n nuuj ivvenement van D’n Uul in 2023) ónger leijing van Spencer Hinzen euver ‘de11devande11de’. ‘n Ivvenement wo gans Vastelaovesminnend Limburg zo naooetkiek en det veur ‘t eers in Remunj georganiseerd waert. ‘t Leverde ‘n sjoon inkiekske achter de sjirme op!

Volgend jaor de nètwerkbiejeinkóms biewone? Waer ouch zakelik partner van D’n Uul. Sjtuur ‘n berichje nao sponsor@dn-uul.nl en veer naeme kóntak mituch op.