’t Vastelaovesmuseum van D’n Uul
’t Vastelaovesmuseum van D’n Uul aan de Hamsjtraot nr. 19 is mit halfvaste geäöpend.
Halfvaste, zaoterdaag 29 meert van 10.30 toet 15.30 oer en zondaag 30 meert van 12.00 toet 15.00 oer.
Nuuje ittelaasj:
80 jaor bevrijding van Remunj en ’t eerste vastelaovesjaor 1945/1946.
In unieke documente en foto’s van de lètste maondje van 1944 en begin 1945.
Hiestorische documente oet de lètste maondje van de oorlog, foto’s van ein keppotgesjaote en laege binnesjtad en de bevrijding op 1 meert 1945
Uniek ‘t ‘bevrijdingsbord’ in broekleen van Stichting Rura en ‘Spiegels van Roermond’.
De eerste vastelaovend van 1945/1946.
Veur of taege, waal of geine vastelaovend in 1945/1946?
Ein vraog wo-euver, óndanks de elenj in Remunj, waerde gesjpraoke.
De sjtad loog in puin, de katedraaltore ram kèpot. De busjop en de Kirk vónj de feeste rondjóm de bevrijding “met zedeloosheid en aantasting lag de openbare orde op de loer. De danswoede in de eerste maanden na de bevrijding en het aanstaande carnaval zou leiden tot een verderfelijk vermaak dat den Christen niet betaamde.
Ouch de regering vónj det d’r geine tied waas óm vastelaovend te viere. “Van het grootste belang was dat de economie weer moest worden opgebouwd. Steenkoolproductiehad de hoogste prioriteit in de tijd van herstel en wederopbouw. Mijnwerkers konden die carnavalsdagen geen verlof opnemen”.
Aevel óndanks alle sjaaj in de binnesjtad, wovan väöl foto’s te zeen, waerde naogedacht euver “de eerste vastelaovend nao de oorlog”. ’t Zjwetskammezaol sjreef: “Hoera veer gaon weer vastelaovend viere”.
Ein pergram waerde ineingetummerd én natuurlik och ‘nne Prins oetgerope. Prins Rein I, mit ziene sjpraekende sjpreuk:, “Veer laive nog! waem duit ós get”.
Noe ’t museum, väöl óntdekkinge euver die oorlogsjaore enUule-vastelaovend! De miense van de kemmissie Hiestorie en Archief kinne uch sjoon verhaole vertèlle.
Äöpening ’t ganse jaor:
Geer ’t museum, op aanvraog, bezeuke. Ouch is d’r, op aafsjpaok, de meugelikheid óm ein bezeuk te bringe aan ’t museum in kombinasiej mit ’n vastelaoveswanjeling.
Meer info: (ere-) Archivaris/conservator van D’n Uul Louis Wolters 06 18943483
