Update KUUL; ‘t Katers-Uul-Leedjessjpektakel.
Dinsdaag 31 oktober 2023
DE KATERS NEEL & D’N UUL REMUNJ
– 29 oktober óm 11:11 oer waar de laoting veur de volgorde van de deilnamers aan KUUL;
– 13 Vastelaovesleedjes en 3 covers sjtrieje veur de titel ‘Vastelaovessjlager van Groot Remunj’;
– 5 november äöpent De Sjter in Neel óm 13:30 oer. Óm 13:49 oer begint de perfessjenele livebanddie ouch de begeleijing van de deilnaemers verzorg. Róndj 17:11 oer is de oetsjlaag enpriesoetreiking;
– Daonao verzorg de liveband ‘n ‘afterparty’ en zeen d’r meugelikheje óm de inwendige miens teversjterke. Aansjloetend waert op groot sjirm de F1 van Brazilië oetgezónde;
– Ouch de Prinsekepelle van De Katers Neel en D’n Uul laote in ‘t pergram good van zich heure;
– De vakzjurie is d’r klaor veur. Sjra Puts (bedinker naam KUUL), Jean Pierre Cnoops, Ton Nizet;
– De deilnaemers höbbe gezónj sjpanning en gaon nog ‘n paar daag oefene;
– De bezeukers in de zaal kinne mitsjtumme. Häör sjtumme tèlle veur 22% mit in de oetsjlaag;
Te winne: Naeve € 555,55 veur de winnaar, zeen d’r in totaal 3 plaatse te verdeile op de Sjtasiefestasie enVastelaoves Villaasj. De winnaar moog optraeje op de 11devande11de. Ouch zeen d’r in ’t Vastelaovessezoen optraejes bie aktiviteite van de Katers en D’n Uul, dit in óngerlinge aafsjtumming.
