Waer vriewilleger names D’n Uul op ’t OLS in Melick.
Bèste Uule en Uulinne,
Waert geer vriewilliger names Sjtadsvastelaovesvereniging D’n Uul tiedes ’t OLS in Melick?
Wie geer wellich wèt, vinjt ’t OLS dit jaor plaats in Melick.
Veer zeen es Sjtadsvastelaovesvereniging D’n Uul gevraog of veer es vereiniging ‘n biedrage wille levere en mit wille wirke tiedes ein of meerdere dage van dit sjoon ivvenement.
Naeve ’t feit det dit ‘n prachtig ivvenement ís, wo traditie en gezelligheid same kómme, is dit ouch ’ne sjone kans óm betrókke te zeen bie zoget groots en sjoons in oze regio én daobie ouch nog get veur D’n Uul te beteikene.
Daoróm zeen veer op zeuk nao entoesjaste vriewilligers die tiedes ‘t OLS mit wille helpe. Door same de henj oet de moewe te sjtaeke, óngersjteune veer neet allein de organisatie van dit bezónjer ivvenement, mer versjterke veer ouch oos eigese vereiniging.
Of se noe ’n paar uurkes of meerdere daag wils helpe, alles is meugelik. Via de website van ‘t OLS kins se aangaeve wanneer se besjikbaar bös en waat se wils doon; van bonneverkoup toet frietwage, van opboew toet bewaoking. Oeteraard waert d’r zo väöl meugelik mit diene veurkeur raekening gehaje, mer de kans besjteit dets se örges angers waers ingedeild.
Lét op, de minimale laeftied is 16 jaor!
Es dank veur eur hulp is d’r op 8 juli ‘ne feesaovend en móch d’r ónger aan de sjtreep geld euver blieve bie de organisatie, den kriege veer es vereiniging dao ein vergoeding veur.
Höbs se interesse, sjrief dich den in via Aanmelje vriewiller OLS 2026 en gaef bie VEREINIGING Sjtadsvastelaovesvereniging D’n Uul es vereiniging op.
Wils se mit ‘ne groep ingedeild waere, maak det den kinbaar door allemaol dezelfde referentie in te vulle in ’t veldj REFERENTIE.
Doot geer mit?
