ZDH Joost I Kruijssen Sjtadsprins

Joost I Kruijssen Sjtadsprins van Sjtadsvastelaovesvereniging D’n Uul Remunj in ‘t 8×11- jubeleijemjaor 2025.

Oppe ‘Nach van de Nuje Sjtadsprins’ in ‘t 8×11 – jubeleijemjaor van D’n Uul 2025, is op zaoterdaag 4 jannewarie Joost Kruijssen es Sjtadsprins van Remunj en Prins van Sjtadsvastelaovesvereniging D’n Uul geprizzenteerd. Netuurlik in de Oranjerie en veur de 2e keer in de sjitterende theaterzaal wo eine prachtige ambiance waerde gecreëerd óm in ‘t thema ‘Ach Ach, waat ein Nach’ de Sjtadsprins ten tonele te bringe. Joost is róndj 21.11 oer, op ‘t inj van ein ekt wo in hae zellef de hoofrol sjpeelde es ‘t mónster Frankenstein, door Vórs Dirk I ónthuld. Vervolges is Joost mit alle biebeheurende regalia door Vórs Dirk I toet 80e Sjtadsprins van Remunj en Prins van D’n Uul geïnstalleerd. Ziene Dorslöstge Hoogheid – jubeleijem-Sjtadsprins Joost I “is gebaore”.