Zdh Mik I Sjtadsjeugprins jeugprins van D’n Uul
Sjtadsjeugprins Mik I
en zien adjudante Isis & Gabriel
“Same kleure veer de Vastelaovend!“
Mik I Eerens, Sjtadsjeugprins van Remunj.
Op zóndaag 11 jannewarie 2026 is tiejes de ‘Middaag van de Nuje Sjtadsjeugprins’, Mik Eerens es Sjtadsjeugprins van Remunj en Jeugprins van Sjtadsvastelaovesvereniging D’n Uul geprizzenteerd. In de theaterzaal van de Oranjerie waas ein prachtige ambiance gecreëerd in ‘ t thema ‘Cartoons’ óm veur de Remunjse kienjer en jeug de Sjtadsjeugprins oppe bühne te bringe. In de geis van dit thema waas ‘t nujee Jeugprinselike gezjelsjap zelf óngerdeil van ein ‘Pacman-act’ alveures door Vórs Dirk I te waere oetgerope. Vervolges waerde Mik door Vórs Dirk I met alle biebeheurende regalia geïnsjtalleerd es 59e Sjtadsjeugprins van Remunj en Jeugdprins van D’n Uul. Ziene Dorslöstge Hoogheid Sjtadsjeugprins Mik I is een feit.
Ziene Dorslöstige Hoogheid Mik I waerd biegesjtaon door zien adjudanten Isis Wagemans en Gabriel Nikolic.
